"ახლა ხარობენ შუშის სასახლეში და რუსეთში - არასდროს შევეგუებით, ბოლომდე ვიბრძოლებთ"
მესამე პრეზიდენტის ძმის, გიორგი სააკაშვილის განცხადებით, თბილისის საქალაქო სასამართლოს გადაწყვეტილებით, რომლის თანახმად, მიხეილ სააკაშვილს სასჯელის გადავადებაზე უარი ეთქვა, „ახლა ხარობენ ქართველები, რომლებიც სხედან შუშის სასახლეში და რუსეთში“.
აღნიშნულის შესახებ ყოფილი პრეზიდენტის ძმამ ჟურნალისტებს გადაწყვეტილების გამოცხადების შემდეგ განუცხადა.
„რა თქმა უნდა, გადაწყვეტილება პოლიტიკურად იყო მიღებული. სამ საათზე მეტია ვიმყოფებით სასამართლოში. მოსამართლემ მოისმინა საბოლოო სიტყვები და არც გასულა სათათბიროდ. ანუ აქედან დასკვნა ასეთია, რომ ეს არის მმართველი პარტიის დაცინვა, ეს ხდება ბიძინა ივანიშვილის პირდაპირი დაკვეთით და ახლა ხარობენ ქართველები, რომლებიც სხედან შუშის სასახლეში და რუსეთში. ჩვენ ამას არასდროს შევეგუებით, ბოლომდე ვიბრძოლებთ და ამ სირცხვილს საქართველოს ხელისუფლება ვერასდროს ჩამოირეცხავს“, - აცხადებს გიორგი სააკაშვილი.
თბილისის საქალაქო სასამართლომ საქართველოს ყოფილი პრეზიდენტი მიხეილ სააკაშვილი სასჯელისგან არ გაათავისუფლა და არც გადაუვადა. გადაწყვეტილება მოსამართლე გიორგი არევაძემ გამოაცხადა. აღნიშნულით არევაძემ სააკაშვილის ადვოკატების შუამდგომლობა არ დააკმაყოფილა
სიახლეები
- „ფაინენშალ თაიმსის“ ცნობით, რუსეთი ევროპის მასშტაბით დივერსიებს ამზადებს
- “კვირაზე მეტია, უშედეგოდ ველით პასუხს” – ქუთაისში მოქმედი მედია და არასამთავრობო ორგანიზაციები განცხადებას ავრცელებენ
- საქართველოს კათოლიკოს-პატრიარქის, ილია მეორის სააღდგომო ეპისტოლე
- "სიძულვილის ენაზე აგებული აგრესიული კამპანია უწყვეტ ნაკადად მოედინება" -კახა კალაძე
- "ჩვენი ხედვა და ძალისხმევა, შევქმნათ მშვიდობიანი, უსაფრთხო და უზრუნველყოფილი მომავალი ჩვენი შვილებისთვის, ურყევია"