"თუ ბაჩალიაშვილი გარკვეული ინექციით მოკლეს, სრულფასოვანი დასკვნის მიღება გაგვიჭირდება "
თუ თამარ ბაჩალიაშვილი გარკვეული ინექციით მოკლეს, ჩვენ გაგვიჭირდება სრულფასოვანი დასკვნის მიღება, რადგან პროცესები საკმაოდ შორს არის წასული , - ამის შესახებ „პალიტრანიუსის“ გადაცემა „360 გრადუსში“ უსაფრთხოების საკითხების ექსპერტმა დავით კუხალაშვილმა განაცხადა.
როგორც კუხალაშვილი აღნიშნავს, როდესაც დანაშაული ხდება, ჯობს, რეაგირება რაც შეიძლება, ადრე მოხდეს.
„თუ აქ არის მკვლელობა განხორციელებული გარკვეული ინექციით, ჩვენ გაგვიჭირდება სრულფასოვანი დასკვნის მიღება, რადგან პროცესები საკმაოდ შორს არის წასული. ჯობს, რომ როდესაც დანაშაული ხდება, რაც შეიძლება, ადრე მოხდეს რეაგირება. თუმცა, მაინც ვფიქრობ, რომ გარკვეული და მნიშვნელოვანი ინფორმაციები ექსპერტიზას ექნება, მათ შორის, იმ კომპიუტერულ სისტემებთან დაკავშირებით, რომელიც ამოღებულია. ამ ორი ექსპერტიზის გადამკვეთი, ჯვარედინი ინფორმაციები საგამოძიებო ჯგუფებს გარკვეულ ამოცანას ამოუხსნის“, - განაცხადა კუხალაშვილმა.
ცნობისთვის, თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. 23 წლის თამარ ბაჩალიაშვილი 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს.
სიახლეები
- "საქართველოს მთავრობის მეთაურთან ნათლად ვთქვი, რომ ეს კანონი შეცდომაა და არ უნდა იქნას მიღებული" - ოლაფ შოლცი
- "ვთავაზობ აქციებში მონაწილე ახალგაზრდებს, გამოყონ 10-მდე წარმომადგენელი, რომელთანაც გავმართავ საჯარო დისკუსიას" - პრემიერი
- "სალომე ზურაბიშვილი არის კონსტიტუციის პირველი დამრღვევი" - კახა კალაძე
- "დღეს, თბილისსა და სხვადასხვა კუთხეში ასობით ათასი მოქალაქის გამოსვლით, ფაქტობრივად, რეფერენდუმი შედგა" - შალვა პაპუაშვილი
- "დიდი მნიშვნელობა არ აქვს გაიწვევენ თუ არა ამ კანონს, რადგან მთელი სურათი შემაშფოთებელია" - პრეზიდენტი