"მკვლელი შვილიშვილი არ მინდა" - შიმშილობის დაწყებას ზ.ხ.-ს ბებია და ბაბუაც აპირებენ
გიორგი შაქარაშვილის განზრახ მკვლელობის საქმეზე ბრალდებული არასრულწლოვნის მამის შიმშილობას გენერალურ პროკურატურასთან ოჯახის სხვა წევრებიც შეურთდნენ.
უწყებასთან ცოტა ხნის წინ ბებია და ბაბუა მივიდნენ.
ისინი არასრულწლოვანი შვილთაშვილის მოთხოვნას უერთდებიან, რომელიც სიცრუის დეტექტორით დაკითხვას ითხოვს
"ვთხოვ გამოძიებას, დროზე იპოვოს დამნაშავე და დასაჯოს. თუ ჩემი შვილიშვილი იქნება დამნაშავე, დასაჯოს როგორც კანონია და წესია, აი ამას ვთხოვ გამომძიებელს. მე აქედან არ წავალ, ვიდრე არ გამოიძიებენ. ვიცი, რომ ტყუილად არის, ჩემი შვილიშვილის მჯერა, თუ კი არის მკვლელი, მე მკვლელი შვილიშვილი არ მინდა," - ამბობს ლიანა ხომასურიძე.
არასრულწლოვნი ზ.ხ.-ს მამამ პროკურატურასთან შიმშილობა გუშინ დაიწყო და დღეს დილიდან განაახლა. თამაზ ხომასურიძე შვილის სიცრუის დეტექტორზე დაკითხვის გარდა, იმ პროკურორის აცილებას მოითხოვს, ვინც მის შვილს ჩვენება მიაცემინა. ხომასურიძე ამბობს, რომ არასრულწლოვანზე ზეწოლა მოხდა.
მოთხოვნების დაუკმაყოფილებლობის შემთხევაში თამაზ ხომასურიძე, სუიციდით იმუქრება.
სიახლეები
- „საქსტატი“ - 2023 წელს, ემიგრანტების რაოდენობა 95.6%-ით გაიზარდა
- საქართველოს მთავრობას ეკისრება პასუხისმგებლობა, განზრახ არ შეაფერხოს ქვეყნის გზა ევროპული მომავლისკენ - გერმანიის საგარეო უწყება
- ვიზალიბერალიზაცია დავიწყეთ ჩვენ, მაგრამ ამათმა, როგორც ყველა სხვა დანარჩენი, ესეც უკუღმა წაიყვანეს
- მაკარონი მდნარი ყველით
- " როგორ შეიძლება მოწოდებები გააკეთო დაპირისპირებაზე? „ოცნება“ ხომ არ ხარ? - ყველას მოვუწოდებ, თავი შეიკავონ მსგავსი ტიპის უპასუხისმგებლო განცხადებებისგან "-ბექა ლილუაშვილი გიორგი ვაშაძის განცხადებაზე