მან 15 პოსტსაბჭოთა რესპუბლიკაში კორუფციის დონისა და მაღალჩინოსნების წონის ურთიერთკავშირი გამოიკვლია.

მეცნიერმა გაანალიზა ყოფილი საბჭოთა კავშირის რესპუბლიკების მთავრობების 299 წევრის წონა, რომლებსაც თანამდებობები 2017 წელს ეკავათ შემდეგ ქვეყნებში: სომხეთში, აზერბაიჯანში, საქართველოში, ბელარუსში, ესტონეთში, ყაზახეთში, ყირგიზეთში, ლატვიაში, ლიეტუვაში, მოლდოვაში, რუსეთში, უკრაინაში, ტაჯიკეთში, თურქმენეთში და უზბეკეთში.

ჩინოვნიკების წონის განსაზღვრისათვის მეცნიერმა ისარგებლა კომპიუტერული მზერის ტექნოლოგიით, რომელიც აანალიზებს რამდენიმე წლის განმავლობაში ფოტოსურათებს და ვიდეოგამოსახულებებს და მათ საფუძველზე  წონას ადგენს. პარალელურად კორუფციის დონის შეფასება განისაზღვრა Transparency International-ის, მსოფლიო ბანკისა და რიგი ევროპული ორგანიზაციების მონაცემების მიხედვით.

შეისწავლა რა კორუფციის დონის ოფიციალური სტატისტიკა, მეცნიერმა მინისტრების ჭარბი წონისა და პოლიტიკური კორუფციის ურთიერთკავშირი დაადგინა.

როგორც გაირკვა, 15 პოსტსაბჭოთა რესპუბლიკაში 96 ჩინოვნიკი ჩვეულებრივზე უფრო მეტად მსუქანია და მათმიმართ  ჭარბი წონის ტენდენცია შეინიშნება.

გამოკვლევის თანახმად, კორუფციის დონისა და მინისტრების სიმსუქნის მიხედვით  პირველ სამეულში ტაჯიკეთი, უზბეკეთი და თურქმენეთი აღმოჩნდნენ. შემდეგ მოდის უკრაინა, ყაზახეთი, ყირგიზეთი, აზერბაიჯანი, რუსეთი, მოლდოვა, სომხეთი, ბელარუსი. რეიტინგის ბოლო ადგილს იკავებენ საქართველო, ლატვია, ლიტვა და ესტონეთი.

გამოკვლევის შედეგად გაკეთდა დასკვნაც, რომ რაც უფრო მსუქნებია კორუმპირებული ქვეყნების მინისტრები, მით უფრო გამხდრები არიან ჩვეულებრივი მოქალაქეები.

ამასთან, როგორც მეცნიერი აღნიშნავს, კორუფციისა და წონას შორის აღმოჩენლი კავშირის მიუხედავად, ეს მაჩვენებლები მაინც ზუსტი არაა და მათი მიხედვით, ქვეყანას კორუმპირებულს ვერ უწოდებ, თუმცა პავლო ბლავატსკი მაინც მიუთითებს, რომ ამ მონაცემებს ყურადღება უნდა მიექცეს, მათ შორის დინამიკაშიც. მას მაგალითის სახით იმოწმებს სომხეთს, სადაც 2018 წელს მომხდარი ხავერდოვანი რევოლუციის შედეგად პრეზიდენტ სერჟ სარგსიანის მთავრობა გადადგა და ადგილი ოპოზიციურ ლიდერს ნიკოლ ფაშინიანს დაუთმო. ახალი მთავრობის მოსვლით ქვეყანაში კორუფციის დონე შესამჩნევად შემცირდა. ნიკოლ ფაშინიანის მთავრობაში მინისტრების საშუალო წონის ინდექსი 31,2-ია, ხოლო სერჟ სარგსიანის მთავრობაში ინფექსი 32,1 იყო.

მოამზადა სიმონ კილაძემ

წყაროები:

https://onlinelibrary.wiley.com/doi/abs/10.1111/ecot.12259

https://eurasianet.org/obese-politicians-signal-corruption-study-finds