"კლინიკები ვითარებას ვეღარ განმუხტავენ"- ზურაბ გურული
ამერიკაში მცხოვრები ქართველი ექიმი, მისისიპის უნივერსიტეტის მედიცინის სკოლის პროფესორი ზურაბ გურული საქართველოში არსებულ ეპიდსიტუაცის ეხმაურება და მძიმე პროგნოზებს აკეთებს.
მისი თქმით, ჯერ ქვეყანა ვირუსის გავრცელების პიკშიც არ არის შესული.
"ვითარებას კლინიკები ვეღარ განმუხტავენ, დაპანიკებული ადამიანები მიაწყდებიან კლინიკებს", - ამბობს გურული.
მისი თქმით, გადამწყვეტია, კლინიკებში ის პაციენტები მოხვდნენ, რომლებსაც ყველაზე მეტად სჭირდებათ დახმარების გაწევა.
ექიმი ამბობს, რომ ვირუსთან საბრძოლველად რეგულაციების დაცვა და სამოქალაქო თვითშეგნების მაღალი დონეა საჭირო.
"ძალიან ძნელია ამაზე, როცა უმაღლესი დონის სახელმწიფო პირები თავად აძლევენ მაგალითს ქეიფის, დროსტარების, შეკრების და ამას აკეთებენ ყოველგვარი ეპიდემიოლოგიური ნორმების დაცვის გარეშე. ისევ და ისევ მე ყველაზე დიდი იმედი ხალხის მაქვს, რომ უმეტესობას ეყოფა გონიერება", - განაცხადა ზურაბ გურულმა "მთავარი არხის" ეთერში.
ცნობისთვის, საქართველოში ბოლო 24 საათში კორონავირუსით 54 პაციენტი გარდაიცვალა.
ვირუსი კიდევ 5 697 პირს დაუდასტურდა და 2 713 პაციენტი გამოჯანმრთელდა.
სიახლეები
- "ოფიციალურ პირებს ჯერ კიდევ აქვთ შანსი გადახედონ საკანონმდებლო ინიციატივას" - ოლივერ ვარჰეი
- "უცხოელი მინისტრები არიან გამოსასვლელები და ხალხი არ გვყავსო, დიდი პანიკაა „ნაცებში“, გმირთა მოედნიდან მოხსნეს ხალხი, მიჰყავთ რუსთაველზე"
- უცხოური ვალუტის ოფიციალური კურსი 16 მაისისთვის
- “საქართველოს კურსი ევროკავშირისაკენ ბეწვზე ჰკიდია!”- უცხოური პრესა
- "ვერსად ვნახე რა ჰქვია ფსიქიკურად აშლილი პირების მმართველობას" - კახა გოგოლაშვილი