გახდება თუ არა აცრა სავალდებულო - ეკატერინე ტიკარაძის განცხადება
ჯანდაცვის მინისტრი ეკატერინე ტიკარაძე ქვეყანაში ვაქცინაციის მაჩვენებლით უკმაყოფილოა. როგორ მინისტრმა დღეს ჟურნალისტებს განუცხადა, 60 წელს გადაცილებული მოქალაქეების აცრა განსაკუთრებით მნიშვნელოვანია იმისთვის, რომ ქვეყანამ ეკონომიკური აქტივობა შეინარჩუნოს და ჰოსპიტალური სექტორი არ გადაიტვირთოს.
ამასთან, ეკატერინე ტიკარაძემ განმარტა, რომ ქვეყანაში ამ ეტაპზე ვაქცინაცია სავალდებულო არ გახდება. მინისტრს მოქალაქეების გონიერების იმედი აქვს.
„აცრის იმ მაჩვენებლებით, რომელიც დღეს გვაქვს, კმაყოფილი ნამდვილად ვერ ვიქნებით. მნიშვნელოვანია 60 წელს ზემოთ მყოფი მოსახლეობის აცრა იმისთვის, რომ ქვეყანამ შეინარჩუნოს ეკონომიკური აქტივობა, არ გადაიტვირთოს ჰოსპიტალური სექტორი, რეანიმაციული საწოლები და არ გვქონდეს მაღალი ლეტალობის მაჩვენებელი.
ამ ეტაპზე ჩვენ არ ვსაუბრობთ იძულებით აცრაზე, ვინაიდან დარწმუნებული ვართ, ჩვენი მოქალაქეები საკმაოდ გონიერები არიან. ზრუნავენ საკუთარ თავსა და ნათესავებზე და იმ საინფორმაციო არხებით, რომლებიც სამინისტროს აქვს მობილიზებული, ჩვენ შევძლებთ დავარწმუნოთ მოქალაქეები, აცრაზე გადაწყვეტილება თავიანთ სასიკეთოდ მიიღონ“, - განაცხადა ტიკარაძემ.
სიახლეები
- "ოფიციალურ პირებს ჯერ კიდევ აქვთ შანსი გადახედონ საკანონმდებლო ინიციატივას" - ოლივერ ვარჰეი
- "უცხოელი მინისტრები არიან გამოსასვლელები და ხალხი არ გვყავსო, დიდი პანიკაა „ნაცებში“, გმირთა მოედნიდან მოხსნეს ხალხი, მიჰყავთ რუსთაველზე"
- უცხოური ვალუტის ოფიციალური კურსი 16 მაისისთვის
- “საქართველოს კურსი ევროკავშირისაკენ ბეწვზე ჰკიდია!”- უცხოური პრესა
- "ვერსად ვნახე რა ჰქვია ფსიქიკურად აშლილი პირების მმართველობას" - კახა გოგოლაშვილი