მეხუთე ტალღა დაწყებულია - ამირან გამყრელიძე საგანგებო მიმართვას ავრცელებს
"მეგობრებო, ქვეყანაში ეპიდსიტუაცია კვლავ მძიმდება, მე-5 ტალღა დაწყებულია, თუმცა შესაძლებელია მისი თავიდან აცილება, რადგან დღეს უკვე გვაქვს ეფექტური იარაღი იმისათვის, რომ შევაკავოთ პანდემია და გადავარჩინოთ ათასობით ადამიანის სიცოცხლე" - ამის შესახებ დაავადებათა კონტროლის ეროვნული ცენტრის დირექტორმა, ამირან გამყრელიძემ სპეციალურ ვიდეომიმართვაში განაცხადა.
გამყრელიძის თქმით, ქვეყანას ვაქცინების საკმაო რაოდენობა და დიდი არჩევანი აქვს. როგორც მან აღნიშნა, იწყება სპეციალური მარათონი, ვაქცინაციის პროცესში მეტი ჩართულობისთვის.
„სამწუხაროდ წინ ძალიან რთული ნოემბერი გველის, მისი გადავლა ყველა ჩვენგანისთვის ძალიან მძიმე იქნება, თუმცა შესაძლებელია მისი თავიდან აცილება, რადგან დღეს უკვე გვაქვს საშუალება, ეფექტური იარაღი იმისათვის, რომ შევაკავოთ პანდემია და გადავარჩინოთ ათასობით ადამაინის სიცოცხლე.
პანდემიის შეკავებისთვის ერთ-ერთი მთავარი კი სწორედ ვაქცინაციაა, საჭიროა რაც შეიძლება ბევრი ადამიანი აიცრას, რითაც დავიცავთ ერთმანეთის სიცოცხლეს. ეს პროცესი მსოფლიოს ბევრმა წარმატებულმა ქვეყანამ ეფექტურად მართა, ჩვენც შეგვიძლია მივიღოთ სწორი სახელწმიფოებრივი გადაწყვეტილება, რომელიც დაგვეხმარება შევაჩეროთ უხილავი მტერი და ერთმანეთის უსაფრთხოება ვუზნუნველყოთ.
მადლობა იმ მილიონ ადამიანს, ვინც გაითავისა თავისი სამოქალაქო და სახელმწიფოებრივი პასუხისმგებლობა და აიცრა.
დღეს, თუ გვინდა, რომ გადვარჩინოთ ათასობით ადამიანის სიცოცხლე, დავუბრუნდეთ ცხოვრების ნორმალურ რიტმს, ჩვენ შვილებს მივცეთ უსაფრთხოდ განათლებისა და განვითარების საშუალება, კიდევ უნდა აიცრას სულ მცირე ერთი იმდენი ადამიანი რაც აქამდე აცრილია. საბედნიეროდ ქვეყანაში გვაქვს ყველას სამყოფი ვაქცინა და არჩევანიც მრავალფეროვანია.
მეგობრებო, ვაქცინაციის პროცესში მეტი ჩართულობაა საჭირო, სწორედ ამ მიზნით ვიწყებთ მარათონს მთელი საქართველოს მასშტაბით და გთხოვთ მასში მონაწილეობას.
ამ ომში დღეს ყველანი საქართველოს სამსახურში მყოფი რიგითი ჯარისკაცები ვართ, რომლებსაც გვაქვს შესაძლებლობა ავიცრათ ერთმანეთისთვის და გადავარჩინოთ ჩვენი ახლობლებისა და თანამოქალაქეების სიცოცხლე“ - განაცხადა ამირან გამყრელიძე.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე