May 17, 2024

მეცნიერებმა აივ-ინფექციის მკურნალობის ახალი მეთოდი შეიმუშავეს

ადამიანის იმუნოდეფიციტის ვირუსი თავდაპირველად იმუნური სისტემის CD4 + T უჯრედებს - ეგრეთ წოდებულ დამხმარე T უჯრედებს აინფიცირებს.

ანტირეტროვირუსული თერაპიის დახმარებით აივ პაციენტებს შეუძლიათ ეფექტურად აკონტროლონ დაავადება იმუნურ უჯრედებზე ვირუსის ახალი შეტევების თავიდან აცილების გზით. მაგრამ ანტირეტროვირუსული თერაპიის შეწყვეტისთანავე  CD4 + T უჯრედებში წლების განმავლობაში დამალული ვირუსი ხელახლა აქტიურდება.  

”ნაკლებად სავარაუდოა, რომ რაიმე თერაპიული სტრატეგია სრულად მოსპობს ვირუსს. ჩვენი მიზანია შევიმუშაოთ ფუნქციური მკურნალობა, რომელიც გამოიმუშავებს მძლავრ იმუნურ პასუხს, რომელიც დათრგუნავს ინფექციას ანტირეტროვირუსული თერაპიის  შეწყვეტის შემდეგაც კი“, - განმარტავს ალბერტ აინშტაინის მედიცინის კოლეჯის კვლევის თანაავტორი ჰარის გოლდშტეინი.

ამის მისაღწევად მეცნიერებმა შეიმუშავეს სინთეზური ცილები სახელწოდებით synTac, რომლებიც შერჩევით ასტიმულირებენ CD8 +-ს, ან T მკვლელ უჯრედებს, რათა განახორციელონ ძლიერი, სპეციფიკური შეტევა აივ-ინფიცირებული CD4 + T უჯრედების წინააღმდეგ.

მეცნიერებმა ექსპერიმენტები თაგვებზე ჩაატარეს. მკურნალობამ აჩვენა, რომ აღნიშნული მეთოდი ეფექტურად თრგუნავს ინფექციებს მღრღნელებში.

”ეს ნიშნავს, რომ synTac-მა შეიძლება შესთავაზოს ახალი შესაძლებლობები აივ, CMV და სხვა ქრონიკული ვირუსული ინფექციების ფუნქციური მკურნალობისთვის”, - აცხადებენ ავტორები. 

ამასთან, SynTac შეიძლება დაპროგრამდეს T უჯრედების გასააქტიურებლად, მაგალითად, კიბოს წინააღმდეგ შეტევის გასაზრდელად, ან  1-ლი ტიპის დიაბეტის და სხვა აუტოიმუნური დაავადებების დასამარცხებლად.

წაკითხვა 312 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.