"მივმართავ ყველას, ვინც ამ პოლიტიკურ პროცესში მონაწილეობს" - გამყრელიძე
დაავადებათა კონტროლის ცენტრის ხელმძღვანელი ამირან გამყრელიძე საზოგადოებას მოუწოდებს მასობრივი თავშეყრის ადგილებისგან თავი შეიკავონ.
გარდა ამისა, ამირან გამყრელიძე პოლიტიკურ პროცესებში ჩართულ პირებს რეკომენდაციების დაცვისკენ მოუწოდებს.
„მესმის, რომ პოლიტიკური პროცესი მიდის ქვეყანაში, ძალიან მნიშვნელოვანი არჩევნები ჩატარდა, მეორე ტურები იქნება, მაგრამ თხოვნა და მოწოდებაა თითოეული ადამიანისადმი, ვინც დღეს ამ პოლიტიკურ პროცესებშია ჩართული, ადამიანის უფლებებიდან უპირველესი არის სიცოცხლის და ჯანმრთელობის უფლება, ამიტომ ყველამ გავუწიოთ ამას ანგარიში.
ჯერჯერობით ჩვენთან გარდაცვლილთა პროცენტული რაოდენობა, შეფარდებითი მაჩვენებლი მაღალი არ არის, თუმცა თითოეული გარდაცვალება ტრაგედიაა. ეს მაჩვენებლი გვეზრდება ქვეყანაში და გაიზრდება, გაიზრდება ასევე ინფიცირებულებთან მიმართებაში. თითოეული დამატებული ახალი ინფექცია არის რისკი გართულების, განსაკუთრებით ხანდაზმულ ასაკში და ვისაც პარალელურად ქრონიკული დაავადებები აქვთ. ამიტომ მოვუფრთხილდეთ, დიდი თავშეყრები არის ინფექციის შემდგომი გავრცელების ერთ-ერთი ყველაზე მომატებული რისკი. მოვუწოდებ ყველას, ვინც ამ პროცესში მონაწილეობს, დავიცავთ რეკომენდაციები“, – განაცხადა ამირან გამყრელიძემ.
სიახლეები
- კომიტეტმა „აგენტების კანონი“ მესამე მოსმენით 67 წამში განიხილა და მიიღო
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს