" ადგილობრივი თვითმმართველობის ეფექტიანი განხორციელებისთვის, აუცილებელია პოლარიზაციის შემცირება"
ქუთაისის მუნიციპალიტეტის საკრებულოს თავმჯდომარე ირაკლი შენგელია ადგილობრივი თვითმმართველობის არჩევნებს ეხმაურება და განცხადებას ავრცელებს. განცხადებაში საუბარია ადგილობრივი თვითმმართველობის განხორციელებისას პოლიტიკური პოლარიზაციის შემცირების, დეცენტრალიზაციის პროცესის მხარდაჭერის და საკრებულოში წარმოდგენილ პოლიტიკურ სუბიექტებს შორის თანამშრომლობის მნიშვნელობაზე.
„მიმაჩნია, რომ ადგილობრივი თვითმმართველობის ეფექტიანი განხორციელებისთვის, აუცილებელია პოლარიზაციის შემცირება. ჯანსაღი ოპონირების, დისკუსიის და არგუმენტირებული მსჯელობის პირობებში, ჩვენ უნდა შევქმნათ ძლიერი წარმომადგენლობითი რგოლი, რომლის მაღალი ლეგიტიმაციის გარანტი, სწორედ, მრავალფეროვნება და მაქსიმალური წარმომადგენლობითობაა,“ - ნათქავამია შენგელიას განცხადებაში.
ირაკლი შენგელია ასევე მადლობას უხდის საკრებულოს მე-6 მოწვევის დეპუტატებს და საკრებულოს აპარატის თანამშობლებს გაწეული საქმიანობისთვის. შეგახსენებთ, რომ საკრებულოს მოქმედი თავმჯდომარე ქუთაისის მე-7 მოწვევის საკრებულოში გამაჯვების ოლქის მაჟორიტარი დეპუტატის მანდატს იკავებს.
გთავაზობთ მის განცხადებას:
"მინდა, მადლობა გადავუხადო თითოეულ ადამიანს, ვინც მაღალი სამოქალაქო პასუხისმგებლობა გამოიჩინა და დააფიქსირა თავისი პოზიცია ადგილობრივი თვითმმართველობის არჩევნების მეორე ტურში. უნდა აღინიშნოს, რომ ჩვენს ქალაქში დაფიქსირდა ამომრჩევლის უპრეცედენტო აქტივობა, რაც ნათლად ცხადყოფს მოქალაქეების აქტიურ ჩართულობას პოლიტიკურ პოცესებში და დემოკრატიული ფასეულობების მიმართ ნდობის მაღალ ხარისხს.
მიუხედავად ამისა, კვლავ გამოწვევად რჩება პოლიტიკური პოლარიზაცია. მიმაჩნია, რომ ადგილობრივი თვითმმართველობის ეფექტიანი განხორციელებისთვის, აუცილებელია პოლარიზაციის შემცირება. ჯანსაღი ოპონირების, დისკუსიის და არგუმენტირებული მსჯელობის პირობებში, ჩვენ უნდა შევქმნათ ძლიერი წარმომადგენლობითი რგოლი, რომლის მაღალი ლეგიტიმაციის გარანტი, სწორედ, მრავალფეროვნება და მაქსიმალური წარმომადგენლობითობაა.
მმართველ ძალას მოქალაქეებმა, კიდევ ერთხელ, გამოუცხადეს ნდობა და ქართულ ოცნებას საკრებულოს უმრავლესობასთან ერთად, ყავს ქალაქის მერი, რომელსაც მხარი დაუჭირა 35 000-მა ჩვენმა თანაქალაქელმა,"- აცხადებს ირაკლი შენგელია.
სიახლეები
- "ევროკავშირის კონკრეტული ქვეყნების წარმომადგენლების აქციაზე ყოფნა უარყოფითად აისახება არა მხოლოდ შესაბამისი ქვეყნის, არამედ ევროკავშირის იმიჯზეც"
- ქუთაისის სპორტის სასახლეში გაიხსნა იმერეთის სასკოლო სპორტული ლიგა მინი ფეხბურთში
- უცხოური ვალუტის ოფიციალური კურსი 17 მაისისთვის
- "გვსურს, მშვიდობიანი შეკრებით წარმოვაჩინოთ, რომ ჩვენი ისტორიის, ტრადიციების, ღირებულებების დაცვა უმნიშვნელოვანესია და ვიწრო პოლიტიკურ ინტერესებზე მაღლა დგას"
- "ევროკავშირის საგარეო საქმეთა მინისტრები რუსთაველის ტრიბუნიდან გამოსვლას „ვარდების რევოლუციის“ ხსენებით იწყებენ"