"მმართველობის ღიაობა და გამჭირვალობა ჩვენი ერთ-ერთი მთავარი პრიორიტეტია"- ირაკლი შენგელია
ქუთაისის საკრებულოს თავმჯდომარე, ირაკლი შენგელია დღეს, აღმოსავლეთ ევროპის ცენტრი მრავალპარტიული დემოკრატიისათვის, (EECMD) ქუთაისის დემოკრატიის სკოლის კურსდამთავრებულებთან და პროექტ "DRIVE Democracy"-ის მონაწილეებთან, 2022 წლის შუალედური ანგარიშით წარსდგა.
ირაკლი შენგელიამ საკრებულოს მუშაობის პრინციპებზე ისაუბრა და გაანალიზა ის გადაწყვეტილებები, რომელიც მეშვიდე მოწვევის საკრებულოს მიერ იქნა მიღებული.
ასევე საუბრის თემას წარმოადგენდა:
▪ ინსტიტუციური ცვლილებები და საკრებულოს დაკომპლექტების წესი;
▪ საკრებულოს სტრუქტურა და საქმიანობა;
▪ 2022 წლის ბიუჯეტი;
▪ გენდერული თანასწორობის საბჭო;
▪ საკრებულოს საქმიანობის პრიორიტეტები;
▪ თანამშრომლობა და ჩართულობა;
"ადგილობრივი თვითმმართველობა, საკრებულო როგორც წარმომადგენლობითი რგოლი, ხალხის მიერ არჩეული ინსტიტუციაა, რომელიც ანგარიშვალდებულია მოქალაქეების წინაშე. მმართველობის ღიაობა და გამჭირვალობა არის ჩვენი ერთ-ერთი მთავარი პრიორიტეტი. მნიშვნელოვანია მოქალაქეებს ჰქონდეთ ინფორმაცია იმ მუნიციპალურ პროგრამებზე და პრიორიტეტებზე, რასაც ქუთაისის ადგილობრივი თვითმმართველობა ახორციელებს. მნიშვნელოვანია მოქალაქეები მაქსიმალურად იყვნენ ჩართული, გადაწყვეტილების მიღების პროცესში,"- აღნიშნა ქუთაისის საკრებულოს თავმჯდომარემ, ირაკლი შენგელიამ.
სიახლეები
- "არ შეიძლება ევროკავშირის კანდიდატი ქვეყანა კრემლის მარიონეტებით იმართებოდეს, ან ერთია ან მეორე"
- "სომხეთი ევროკავშირთან ურთიერთობის გაუმჯობესებას არცერთ სხვა ქვეყანას არ დაეკითხება" - ნიკოლ ფაშინიანი
- უცხოური ვალუტის ოფიციალური კურსი 8 მაისისთვის
- ფაშიზმზე გამარჯვების 79-ე წლისთავთან დაკავშირებით, მეორე მსოფლიო ომის მონაწილეები 2 000 ლარს, ხოლო მეორე მსოფლიო ომში დაღუპულთა ოჯახის წევრები 1 000 ლარს მიიღებენ
- უკრაინაში კიდევ ორი ქართველი მებრძოლი დაიღუპა