იმერეთში სახელმწიფო რწმუნებულმა ზვიად შალამბერიძემ მერებთან საგანგებო თათბირი გამართა
იმერეთში სახელმწიფო რწმუნებულმა ზვიად შალამბერიძემ მერებთან საგანგებო თათბირი გამართა.
მხარის გუბერნატორმა უამინდობით შექმნილი მდგომარეობის შესახებ დეტალური ინფორმაცია მოისმინა და მერებს შესაბამისი დავალებები მისცა, რათა დროულად მოხდეს საავტომობილო გზების გაწმენდითი სამუშაოები და მოქალქეებმა უსაფრთხოდ შეძლონ გადაადგილება.
იმერეთის მასშტაბით თოვლის გაწმენდითი სამუშაოები მესამე დღეა აქტიურად გრძელდება. ამ ეტაპზე 101 სოფელში მიმდინარეობს სამუშაოები.
ამ დროისთვის რეგიონის მასშტაბით 101 სპეც ტექნიკა მუშაობს. თუმცა სამუშაოებს უხვი ნალექი აფერხებს. მეოთხე დღეა იმერეთში ინტენსიურად თოვს.
იმერეთის მაღალმთიან სოფლებში თოვლის საფარმა თითქმის ორ მეტრს მიაღწია.
უხვმა ნალექმა დააზიანა ელექტრო გადამცემი ხაზები და ამ დრომდე ელექტროენერგია არ მიეწოდება 20 000 -მდე აბონენტს. კომპანია ,,ენერგო პრო ჯორჯიას” ჯგუფები ავარიულ ლოკაციებზე აქტიურად მუშაობენ.
სიახლეები
- "პარლამენტის შენობასთან მიმდინარე საპროტესტო აქციამ ძალადობრივი ხასიათი მიიღო"- შსს
- "რაც უფრო გაძალიანდება ხელისუფლება და ივანიშვილი, მით უფრო ცუდად დამთავრდება მათთვის"- გიგი უგულავა
- "მოვუწოდებთ აქციის მონაწილეებს, არ დააზიანონ რუსთაველის გამზირზე მოწყობილი სცენის ინვენტარი და ტექნიკა" - შსს
- პოლიციასა და აქციის მონაწილეებს შორის დაპირისპირება იყო
- "დღეს ამ კანონის მიღება არის ქვეყნის ღალატი!" - ფრიდონ შუბითიძე