“შაბათს, 14 აგვისტოს საქართველოში ახალი შეზღუდვები ამოქმედდება, რომელთაგანაც საზოგადოების ყველაზე დიდ უკმაყოფილებას საქალაქო ტრანსპორტის შეზღუდვა იწვევს. გარდა ამისა, შესაძლოა, რომ სექტემბრიდან სხვადასხვა დაწესებულებებში და მათ შორის კვების ობიექტებში, მოქალაქეებს მხოლოდ ე.წ. კოვიდ-პასპორტებით, ან ტესტის უარყოფითი პასუხით შეუშვებენ. სპეციალისტები ამ შეზღუდვების შედეგს დაახლოებით ორ კვირაში ელოდებიან”, - წერს გაზეთი "რეზონანსი“ სტატიაში სათაურით, სამი კვირა ახალი შეზღუდვებით და კოვიდ-პასპორტები სექტემბრიდან.
Stopcov.ge-ზე გამოქვეყნებული ინფორმაციის თანახმად, ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 52 580 კვლევა ტესტით, მათ შორის 33 517 კვლევა ანტიგენის ტესტით და 19 063 PCR ტესტით.
ფეხბურთელ ლიონელ მესის ბარსელონასთან გამოსამშვიდობებელი პრესკონფერენციის დროს გამოყენებული ქაღალდის ხელსახოცი მილიონ დოლარად გაიყიდება.
დაავადებათა კონტროლის ეროვნული ცენტრის ხელმძღვანელის მოადგილის, პაატა იმნაძის განცხადებით, მოსალოდნელია კორონავირუსით გარდაცვლილთა ზრდა. როგორც მან დღევანდელ ვებინარზე განაცხადა, „დელტას“ შტამი გაციებას ჰგავს და თუ მოქალაქეებს მსგავსი სიმპტომები ექნებათ, აუცილებლად ტესტი უნდა ჩაიტარონ.
13 აგვისტოს დღის ბოლოდან 15 აგვისტოს დილამდე საქართველოში მოსალოდნელია დროგამოშვებით წვიმა ელჭექით, ზოგან ძლიერი, შესაძლებელია სეტყვა, ქარის გაძლიერება, ზღვაზე 2-3 ბალიანი ღელვა,- ამის შესახებ ინფორმაციას გარემოს ეროვნული სააგენტო ავრცელებს.
კვების ობიექტების მუშაობა, ნაცვლად ღამის 00:00 საათისა, დასაშვები იქნება 23:00 საათამდე, - ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსმა, გიორგი ღიბრაძემ განაცხადა.
