"ახლა მოკლედ მოგიყვებით ინფიცირების ფაქტზე" - ნინო წილოსანი

სავარაუდო ინფიცირების წყაროსთან 15-წუთზე მეტი ხნის ახლო კონტაქტი მაკავშირებს,  ორივე მხარე ვიყავით პირბადეებით, მაგრამ როგორც ბევრ ადამიანს, მასაც  ნაჭრის პირბადე ეკეთა, რაც თავისთავად საუკეთესო დაცვის საშუალება არ არის, - ამის შესახებ დეპუტატი ნინო წილოსანი Facebook-ზე წერს.

 

როგორც დეპუტატის პოსტიდან ირკვევა, მისი დაინფიცირება,სავარაუდოდ, გურიაში ვიზიტის დროს მოხდა, სადაც რამდენიმე კოვიდდადებით ადამიანთან  ჰქონდა კონტაქტი. 

 

"მეგობრებო, უამრავი თქვენგანი მწერს და მკითხულობთ, რაც ძალიან ემოციურია... განსაკუთრებული მადლობა ამ სითბოსთვის. ვიცი, რომ ყველას გაინტერესებთ, ამიტომ მოკლე ინფორმაციას მოგაწვდით ჩემი კოვიდ ისტორიის შესახებ:

 

მთელი კვირა ვიყავი გურიაში, სადაც როგორც აღმოჩნდა მქონდა კონტაქტი რამდებინე კოვიდინფიცირებულთან. შაბათს, როგორც კი შევიტყვე ამის შესახებ, გადავედი თვითიზოლაციაში და კვირას უკვე გავიტესტე სიმპტომების გამოვლენის შემდეგ, შესაბამისად დღეს დილით შეგატყობინეთ პასუხიც.

 

ახლა კი, მოკლედ მოგიყვებით ინფიცირების ფაქტთან დაკავშირებით. სრული პასუხისმგებლობით შემიძლია ვთქვა, რომ ყოველ შეხვედრაზე ვიყავი პირბადით და მაქსიმალურად ვიცავდი დისტანციას. თუმცა სავარაუდო ინფიცირების წყაროსთან მაკავშირებს 15-წუთზე მეტი ხნის ახლო კონტაქტი, რა თქმა უნდა, ორივე მხარე ვიყავით პირბადეებით, მაგრამ როგორც ბევრ ადამიანს, მასაც ეკეთა ნაჭრის პირბადე, რაც თავისთავად საუკეთესო დაცვის საშუალება არ არის.

 

ყველაზე მეტად ვნერვიულობ, იმ ადამიანებზე, ვისაც შეიძლება ჩემგან გადადებოდათ ვირუსი. საბედნიეროდ, ჩემი , ეგრეთწოდებული “დიდხნიანი კონტაქტების” სია საკმაოდ მცირეა, მხოლოდ ჩემი მძღოლი და თანაშემწე, ვისთან ერთადაც დიდი ხნის მანძილზე ვიჯექი მანქანაში და ერთად ვიკვებებოდით, ამის გარდა, ყველა სხვა შემთხევევაში, მქონდა ოფიციალური შეხვედრები - დისტანციით, პირბადით და ხელის ჩამორთმევის გარეშე. შესაბამისად, ეპიდემიოლოგებთან კონსულტაციის გავლის შემდეგ მხოლოდ რამდენიმე ადამიანი ითვლება ჩემს კონტაქტად.

მათ შორის არიან ადამიანები ვინც შაბათს ვნახე 15 წუთით , რომლებიც ასევე თვითიზოლციაში იმყოფებიან. დიდი იმედი მაქვს, რომ არც ერთ მათგანს ვირუსი არ დაუდასტურდება.

 

კიდევ ერთხელ მადლობა გულშემატკივრობისთვის!

 

მინდა გთხოვოთ, ზედმიწევნით დაიცვათ ყველა რეგულაცია და გაითავისოთ, რომ საკუთარ თავზე ზრუნვით, სხვა ადამიანებსაც ეხმარებით. ერთად დგომითა და სწორი ნაბიჯების გადადგმით, ყველა პრობლემას ადვილად მოვერევით", - წერს ნინო წილოსანი.

წაკითხვა 55 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.