"გვსურს, პარტნიორებისგან მოვისმინოთ რეალური და არა დეკლარაციასა და აბსტრაქციაზე დამყარებული გადაწყვეტილებები"
უკრაინა პარტნიორებისგან ელოდება რეალურ გადაწყვეტილებას და არა აბსტრაქტულ შემოთავაზებებს. „უნიანის“ ინფორმაციით, ამის შესახებ უკრაინის პრეზიდენტმა ვოლოდიმირ ზელენსკიმ ვიდეომიმართვისას განაცხადა.
„დღეს ვესაუბრე გერმანიის კანცლერს იმ დამამცირებელი მოპყრობის შესახებ, რასაც ჩვენი ხალხი განიცდის, ვესაუბრე საფრანგეთის პრეზიდენტ მაკრონს. გაერთიანებული სამეფოს პრემიერ-მინისტრთან საუბარში დავრწმუნდი, რომ ჩვენი კოალიცია უფრო გაძლიერდება. შესაბამისად, მშვიდობის მოსაპოვებლად გაძლიერდება ჩვენი წნეხი რუსეთზე“, – აღნიშნა ვოლოდიმირ ზელენსკიმ.
ზელენსკიმ განმარტა, რომ დასავლელი პარტნიორებისგან მეტ კონკრეტულ და ქმედითუნარიან ნაბიჯებს ელოდება. მისი თქმით, უკრაინა ახლა იბრძვის არა მხოლოდ საკუთარი მშვიდობისთვის, არამედ მთელი კონტინენტის დამოუკიდებლობისთვის.
„ჩვენ გვსურს, პარტნიორებისგან მოვისმინოთ რეალური გადაწყვეტილება და არა დეკლარაციასა და აბსტრაქციაზე დამყარებული გადაწყვეტილებები. ამ დღეებში ევროკავშირის ლიდერები რუსეთის მიერ უკრაინის წინააღმდეგ დაწყებულ ომს განიხილავენ. ჩვენ ველოდებით კონკრეტულ გზავნილს, ველოდებით უზარმაზარ მხარდაჭერას, რადგან მხოლოდ ასეთი კონკრეტული გზავნილი იქნება ევროპისთვის შესაფერისი და სამართლიანი. ჩვენ ისიც შესანიშნავად ვიცით, ევროკავშირის რომელ ლიდერს რა პოზიცია აქვს“, – განაცხადა ვოლოდიმირ ზელენსკიმ.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი