May 18, 2024

რეჯეფ თაიფ ერდოღანი აცხადებს, რომ თურქეთი შვედეთისა და ფინეთის ნატო-ში გაწევრიანების განაცხადებს მხარს არ დაუჭერს

თურქეთის პრეზიდენტი რეჯეფ თაიფ ერდოღანი აცხადებს, რომ თურქეთი მხარს არ დაუჭერს შვედეთისა და ფინეთის ნატო-ში გაწევრიანების განაცხადებს.

როგორც ერდოღანმა პრესკონფერენციაზე აღნიშნა, ამ ქვეყნების დელეგაციები არ უნდა შეწუხდნენ თურქეთში ჩასვლით ნატო-ში წევრობის განაცხადის მხარდაჭერაში მის დასათანხმებლად.

„ისინი ორშაბათს თურქეთში მოდიან. ჩვენს დასარწმუნებლად მოდიან? მაპატიეთ, მაგრამ თავს ნუ დაიღლიან. უპირველეს ყოვლისა, ჩვენ არ ვეტყვით ნატო-ში გაწევრიანებაზე „კი“-ს მათ, ვინც თურქეთს სანქციებს უწესებს. რადგან მაშინ ნატო აღარ იქნება უსაფრთხოების ორგანიზაცია და გახდება ტერორისტული ორგანიზაციების წარმომადგენლების კონცენტრაციის ადგილი“, – განაცხადა ერდოღანმა, რომლის ციტატასაც სააგენტო „როიტერი“ ავრცელებს.

სიტყვით გამოსვლისას თურქეთის პრეზიდენტმა შვედეთი ტერორისტული ორგანიზაციების მხარდაჭერაში დაადანაშაულა და აღნიშნა, რომ ამ ქვეყნის პარლამენტში ტერორისტები არიან წარმოდგენილი. კერძოდ, თურქეთის ხელისუფლება აცხადებს, რომ შვედეთი და ფინეთი „ქურთისტანის მუშათა პარტიასთან“ და აშშ-ში მცხოვრებ მუსლიმ მქადაგებელთან ფეთჰულა გიულენთან დაკავაშირებულ პირებს აძლევენ თავშესაფარს. „ქურთისტანის მუშათა პარტიას“ თურქეთი ტერორისტულ ორგანიზაციად აღიარებს, ფეთჰულა გიულენს კი 2016 წლის სახელმწიფო გადატრიალების მცდელობის ორგანიზებაში სდებს ბრალს.

„ამ ქვეყნებიდან არც ერთს აქვს მკაფიო, ღია დამოკიდებულება ტერორისტული ორგანიზაციის მიმართ. როგორ შეგვიძლია მათი ნდობა?“, – აღნიშნა ერდოღანმა.

მანამდე, შვედეთის საგარეო საქმეთა სამინისტროში განაცხადეს, რომ შვედეთისა და ფინეთის დელეგაციები თურქეთში გამგზავრებას გეგმავენ, რათა ნატო-ში გაწევრიანების საკითხზე ანკარას წინააღმდეგობა განიხილონ.

წაკითხვა 380 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.