წინასწარი შედეგებით, მაკრონის კოალიციამ პარლამენტში 100 ადგილი დაკარგა
საპარლამენტო არჩევნებამდე დაახლოებით ორი თვით ადრე, საფრანგეთში საპრეზიდენტო არჩევნების მეორე ტური ჩატარდა. ემანუელ მაკრონი ხმას აძლევს პრეზიდენტის არჩევნებში. 2022 წლის 24 აპრილი
საფრანგეთის საპარლამენტო არჩევნების შედეგად, პრეზიდენტ ემანუელ მაკრონის ცენტრისტულმა კოალიციამ, „ერთად“ ყველაზე მეტი მანდატი მოიპოვა, თუმცა, უმრავლესობა დაკარგა. საფრანგეთის პარლამენტის ქვედა პალატის - ეროვნული ასამბლეის არჩევნების მეორე ტურის წინასწარი, ოფიციალური შედეგებით, მაკრონის კოალიციას 245 მანდატი ექნება. წინა, 2018 წლის არჩევნების შედეგად, კოალიციას 346 დეპუტატი ჰყავდა.
2022 წლის 19 ივნისს ჩატარებული მეორე ტურის წინასწარი შედეგებით, ეროვნულ ასამბლეაში 131 ადგილი მოიპოვა გაერთიანებამ „ახალი სახალხო ეკოლოგიური და სოციალური კავშირი“, რომელსაც მემარცხენე პოპულისტი ჟან-ლუკ მელანშონი ხელმძღვანელობს. 89 მანდატი მიიღო ულტრამემარჯვენე მარინ ლე პენის „ეროვნულმა გაერთიანებამ“ და 61 მანდატი - "რესპუბლიკელებმა". დანარჩენი ადგილები სხვადასხვა, ძირითადად, მემარცხენე პოლიტიკურმა ძალებმა გაინაწილეს.
საფრანგეთის პარლამენტის ქვედა პალატის - ეროვნული ასამბლეის 577 წევრს ერთმანდატიან ოლქებში ირჩევენ. პირველივე ტურში გასამარჯვებლად კანდიდატმა ხმების 50%-ზე მეტი უნდა მიიღოს. წინააღმდეგ შემთხვევაში, მეორე ტურში გადიან კანდიდატები, რომლებსაც ხმების 12.5%-ზე მეტი აქვთ. უმრავლესობის მოსაპოვებლად პარტიამ, ან ბლოკმა სულ მცირე 289 მანდატი უნდა მიიღოს. პირველ ტურში, რომელიც 12 ივნისს ჩატარდა, მაკრონის კოალიციამ და მელანშონის გაერთიანებამ დაახლოებით ერთანირი შედეგი აჩვენეს.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე