ხანძარი დონეცკში
უკრაინის ოდესის ოლქსა და ქალაქებზე, ხარკოვსა და მიკოლაევზე სარაკეტო შეტევა განხორციელდა. ოდესის საოლქო-სამხედრო ადმინისტრაციის პრესმდივნის, სერჰი ბრატჩუკის ინფორმაციით, რუსეთის სამხედრო ძალებმა იერიშისთვის სტრატეგიული ავიაცია გამოიყენეს.
ხარკოვის მერის, იჰორ ტერეხოვის ცნობით, წუხელ სარაკეტო დარტყმა იყო ქალაქის ცენტრის მახლობლად. გამთენიისას რამდენიმე ძლიერი აფეთქება მოხდა მიკოლაევშიც. ქალაქის მერმა ოლექსანდრ სენკევიჩმა მოსახლეობას თავშესაფრებში დარჩენისკენ მოუწოდა. სამივე შემთხვევაში მსხვერპლის და ნგრევის მასშტაბი ჯერ დადგენილი არ არის.
დღეს დილიდან ვრცელდება ცნობებიც იმის შესახებ, რომ ძლიერი ხანძარია უკრაინის ქალაქ დონეცკში, რომელიც ამჟამად რუსეთის კონტროლქვეშაა. რუსული სააგენტო „ტასს“-ის ინფორმაციით, იწვის ნავთობის ბაზა. სოციალური ქსელების ადგილობრივი მომხმარებლები წერენ, რომ ხანძარი უკრაინის არმიის სარაკეტო დარტყმამ გამოიწვია, თუმცა, ეს ინფორმაცია ჯერჯერობით არ არის დადასტურებული უკრაინის სარდლობის მიერ.
ბოლო რამდენიმე კვირის განმავლობაში, უკრაინელმა სამხედროებმა ამერიკული სარაკეტო სისტემებით(HIMARS) რუსეთის სამხედრო ძალების საბრძოლო მასალების და საწვავის ათეულობით საწყობი გაანადგურეს დროებით ოკუპირებულ ტერიტორიებზე.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე