უკრაინის გენშტაბის ცნობით, რუსი სამხედროები დონეცკის ოლქს ორი მიმართულებიდან უტევენ
უკრაინის შეიარაღებული ძალების გენერალური შტაბის მიერ დღეს დილით გავრცელებული ინფორმაციით, რუსეთის სამხედრო ქვედანაყოფები დონეცკის ოლქში უტევენ ბახმუტის და ავდეევკის მიმართულებებს.
გენერალური შტაბის თანახმად, ამ შემტევი ოპერაციით მოწინააღმდეგე ცდილობს ქალაქების, ბახმუტის და სოლედარის სრულად დაპყრობას და დონეცკის დასავლეთით კონტროლირებული ტერიტორიის გაფართოებას.
უკრაინის გენშტაბის ცნობითვე, რუსეთის სამხედრო დანაყოფებმა ბახმუტის და ავდეევკის რაიონების 15-მდე დასახლებულ პუნქტში, არტილერიის და ტანკების გამოყენებით მიიტანეს იერიში არა მხოლოდ სამხედრო, არამედ სამოქალაქო ინფრასტრუქტურაზეც. გენერალური შტაბი შედეგებზე არაფერს იუწყება და მხოლოდ იმას აღნიშნავს, რომ საბრძოლო მოქმედებები გრძელდება.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე