ლიეტუვამ რუსეთთან საზღვრის დაცვა გააძლიერა
ლიეტუვამ რუსეთთან საზღვრის დაცვა გააძლიერა. აღნიშნულის შესახებ ქვეყნის თავდაცვის მინისტრმა, აგნე ბილოტაიტემ სოციალურ ქსელში დაწერა.
მისი თქმით, რუსეთთან, კერძოდ, კალინინგრადის ოლქთან ქვეყნის საზღვაო და სახმელეთო საზღვრები გაძლიერებული დაცვის რეჟიმზე გადავიდა.
„შეიარაღებული კალინინგრადი ახლოს არის, მეზობლების მხრიდანაც არის მუქარა, ამიტომ ჩვენ ვიმყოფებით მზადყოფნის მაღალ რეჟიმზე და განსაკუთრებულ ყურადღებას ვაქცევთ ჩვენი მესაზღვრეების უზრუნველყოფას. ახლახან განახლებული სარადარო სისტემა კიდევ უფრო სწრაფ რეაგირებას შეუწყობს ხელს“, – განაცხადა ლიეტუვის თავდაცვის მინისტრმა.
მან აღნიშნა, რომ ლიეტუვისთვის მნიშვნელოვანია კლაიპედას პორტის დაცვა, რადგან აქ განთავსებულია გათხევადებული ბუნებრივი აირის ტერმინალი და სხვა სტრატეგიულად მნიშვნელოვანი ობიექტები.
ასევე, მინისტრის თქმით, კლაიპედას ადმინისტრაციამ მოამზადა 38 თავშესაფარი, რუსეთის მხრიდან სამხედრო აგრესიის შემთხვევაში, რომლებიც ქალაქის მოსახლეობის დაახლოებით ხუთი პროცენტის შეფარებას შეძლებს.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე