სეულში ჰელოუინის დღესასწაულის დროს მომხდარ ჭყლეტაში 120 ადამიანი დაიღუპა
სამხრეთ კორეის დედაქალაქ სეულში ჰელოუინის დღესასწაულების დროს მომხდარი ჭყლეტის შედეგად სულ მცირე 120 ადამიანი დაიღუპა და კიდევ 100 დაშავდა.
ამის შესახებ The Korea Herald-ი იტყობინება.
დაზარალებულები იტჰევონის რაიონში მდებარე სასტუმრო "ჰამილტონის" მახლობლად ვიწრო ქუჩაზე შეკრებილ ხალხის მასიდან იყვნენ.
როგორც Associated Press-ი წერს დაზარალებულთა დასახმარებლად მთელი ქვეყნის მასშტაბით 800-ზე მეტი მაშველია ჩართული. სეულის სახანძრო სამსახურის უფროსის თქმით, დაღუპულთა რიცხვი შესაძლოა გაიზარდოს, რადგან დაშავებულთა დაუზუსტებელი რაოდენობა კრიტიკულ მდგომარეობაში იმყოფება.
ადგილობრივი მედიის ცნობით, იტჰევონის მიმდებარე ქუჩებში ჰელოუინის აღსანიშნავად 100 ათასამდე ადამიანი შეიკრიბა. სეულის მაცხოვრებლებისთვის ეს არის COVID-19 პანდემიის დაწყების შემდეგ ჰელოუინის წინა პირველი უქმეები , როდესაც აღარ არის საჭირო კორონავირუსის შეზღუდვების დაცვა.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე