"რუსეთის სამხედრო მეთაურები უკრაინაში ბირთვული იარაღის გამოყენებას განიხილავდნენ" - „ნიუ იორკ თაიმსი“
რუსეთის სამხედრო მეთაურები უკრაინაში ბირთვული იარაღის გამოყენებას განიხილავდნენ, – ამის შესახებ ინფორმაციას გამოცემა „ნიუ იორკ თაიმსი“ ამერიკელ მაღალჩინოსნებზე დაყრდნობით ავრცელებს.
აშშ-ის მთავრობაში მედიასაშუალების წყაროების ცნობით, რუსეთის სამხედრო მეთაურები აწარმოებდნენ დისკუსიას იმის შესახებ, თუ როდის და როგორ შეუძლია რუსეთს უკრაინაში ტაქტიკური იარაღის გამოყენება.
როგორც „ნიუ იორკ თაიმსი“ წერს, რუსეთის პრეზიდენტი ვლადიმერ პუტინი ამ დისკუსიებში არ მონაწილეობდა, თუმცა თავად ფაქტმა, რომ ეს საკითხი განიხილებოდა სამხედრო მაღალჩინოსნების მიერ, აშფოთებს თეთრ სახლს, რადგან ეს აჩვენებს, თუ რამდენად იმედგაცრუებული არიან რუსი გენერლები უკრაინაში მათი არმიის წარუმატებლობის გამო.
რუსი სამხედრო მეთაურების მიერ ბირთვული იარაღის გამოყენების საკითხის განხილვის ინფორმაცია ამერიკულმა დაზვერვამ აშშ-ის ხელისუფლებას ოქტომბრის შუა რიცხვებში მიაწოდა. ამასთან, ამერიკული სპეცსამსახურების განცხადებით, არ უნახავთ მტკიცებულებები, რომ რუსები ბირთვული იარაღის გადატანას ახორციელებენ ან დარტყმისთვის მოსამზადებლად სხვა ტაქტიკურ ზომებს მიმართავენ.
სიახლეები
- „რუსეთს იმედი აქვს, რომ „თეთრ სახლში თავის კაცს დასვამს“ და ამით ნატოს ძლიერებას დაასუსტებს“ – უცხოური პრესა
- "ცვლილებები ჩვენი მხრიდან, ბუნებრივია, ვერ დაიგეგმება გამომდინარე იქიდან, რომ ხვალ მესამე მოსმენით მიიღება კანონი"- პრემიერი
- უცხოური ვალუტის ოფიციალური კურსი 14 მაისისთვის
- "სრული პასუხისმგებლობით გეუბნებით, ტყუილად არ დაუკავებიათ არავინ, ეს ადამიანები ახორციელებდნენ ძალადობას"
- "გდდ-ს ყველა თანამშრომელი ეჭვმიტანილია არაადამიანურ მოპყრობაში, წამებასა და სისხლის სამართლის დანაშაულის ჩადენაში"
