რუსეთის საოკუპაციო ძალები ინტენსიურ საბრძოლო მოქმედებებს დონეცკის ოლქში, ბახმუტისა და ავდეევკის მიმართულებით ახორციელებს
რუსეთის საოკუპაციო ძალები ინტენსიურ საბრძოლო მოქმედებებს დონეცკის ოლქში, ბახმუტისა და ავდეევკის მიმართულებით ახორციელებს.
უკრაინის არმიის გენშტაბის ინფორმაციით, რუსეთი აქტიურად იყენებს ავიაციას სახმელეთო ჯგუფების მხარდასაჭერად. ვრცელდება ინფორმაცია, რომ უკრაინელმა სამხედროებმა ბახმუტთან რუსეთის არმიის სამხედრო თვითმფრინავი ჩამოაგდეს.
ოფიციალური კიევის ინფორმაციით, გასული დღე-ღამის განმავლობაში რუსმა სამხედროებმა განახორციელეს ორი სარაკეტო და ათი საჰაერო დარტყმა, ასევე სამჯერ გახსნეს ცეცხლი ზალპური ცეცხლის სარაკეტო სისტემებიდან უკრაინის ჯარების პოზიციებზე და შეხების ხაზის გასწვრივ დასახლებულ პუნქტებზე. კერძოდ, სარაკეტო თავდასხმა განხორციელდა ქალაქ კრამატორსკში მდებარე სამოქალაქო ინფრასტრუქტურულ ობიექტზე.
უკრაინის არმიის გენშტაბის ინფორმაციით, რუსეთის საოკუპაციო ძალებმა „გრადის“ სისტემებით დნეპროპეტროვსკის ოთხი დასახლება დაბომბეს.
უკრაინის არმიის კონტრშეტევითი ოპერაციის ფარგლებში, ხერსონის მახლობლად, უკრაინის არმიამ დროშა მდინარე დნეპრის მარცხენა სანაპიროზე აღმართა. უკრაინის არმიამ მოწინააღმდეგის ძალებზე შეტევა განახორციელა ზაპოროჟიეს და ლუგანსკის ოლქებში.
სიახლეები
- „რუსეთს იმედი აქვს, რომ „თეთრ სახლში თავის კაცს დასვამს“ და ამით ნატოს ძლიერებას დაასუსტებს“ – უცხოური პრესა
- "ცვლილებები ჩვენი მხრიდან, ბუნებრივია, ვერ დაიგეგმება გამომდინარე იქიდან, რომ ხვალ მესამე მოსმენით მიიღება კანონი"- პრემიერი
- უცხოური ვალუტის ოფიციალური კურსი 14 მაისისთვის
- "სრული პასუხისმგებლობით გეუბნებით, ტყუილად არ დაუკავებიათ არავინ, ეს ადამიანები ახორციელებდნენ ძალადობას"
- "გდდ-ს ყველა თანამშრომელი ეჭვმიტანილია არაადამიანურ მოპყრობაში, წამებასა და სისხლის სამართლის დანაშაულის ჩადენაში"