რუსეთი ბალისტიკური რაკეტების მარაგის ირანის დახმარებით შევსებას ცდილობს
ბრიტანეთის სამხედრო დაზვერვის ინფორმაციით, რუსეთმა დახარჯა საკუთარი ბალისტიკური რაკეტების, SS-26 „ისკანდერის“, მარაგის მნიშვნელოვანი ნაწილი.
ლაპარაკია რაკეტებზე, რომლებსაც შეუძლიათ 500 კილოგრამიანი ქობინის 500 კილომეტრის მანძილზე გადატანა. ბრიტანეთის დაზვერვა აცხადებს, რომ მარაგის შევსებას რუსეთი ირანის დახმარებით გეგმავს.
„თუკი რუსეთი შეძლებს შეიარაღებაში მიიღოს ირანის წარმოების ბალისტიკური რაკეტების დიდი რაოდენობა, ის სავარაუდოდ გააგრძელებს და გააფართოებს თავდასხმის კამპანიას უკრაინის კრიტიკულად მნიშვნელოვან ნაციონალურ ინფრასტრუქტურაზე“, - ვკითხულობთ ბრიტანეთის სამხედრო დაზვერვის მიერ 10 დეკემბერს გამოქვეყნებულ ყოველდღიურ ცნობაში.
9 დეკემბერს ბრიტანეთის დაზვერვა იტყობინებოდა, რომ რუსეთმა ირანისგან სავარაუდოდ უკვე მიიღო უპილოტო საფრენი აპარატების, ე.წ. „კამიკაძე დრონების“ ახალი პარტია.
NBC News-ის ცნობით, უპილოტო საფრენი მოწყობილობების სანაცვლოდ, რუსეთი ირანს უგზავნის თანამედროვე სამხედრო აღჭურვილობას და ასევე ვერტმფრენებსა და საჰაერო თავდაცვის სისტემებს. NBC News-მა ეს ინფორმაცია თეთრი სახლის მაღალი თანამდებობის პირებზე დაყრდნობით, 9 დეკემბერს გაავრცელა. რესპონდენტებმა თეირანისადმი მოსკოვის მხარდაჭერის დონეს "უპრეცედენტო" უწოდეს.
ბრიტანეთის სამხედრო დაზვერვის მიერ 10 დეკემბერს გავრცელებულ ინფორმაციაში ასევე ვკითხულობთ, რომ ირანი რუსეთისთვის მნიშვნელოვან მოკავშირედ იქცა.
ირანისა და რუსეთის მჭიდრო თანამშრომლობას საერთაშორისო თანამეგობრობა სახიფათოდ თვლის არა მხოლოდ უკრაინისთვის, არამედ ირანის ყველა მეზობლისთვის.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი