"არსებობს ბელარუსის ტერიტორიიდან რუსეთის სამხედრო ძალების შეტევის ალბათობა"
რუსეთი შურისძიებისთვის ემზადება და ძალას იკრებს, არსებობს ბელარუსის ტერიტორიიდან რუსეთის სამხედრო ძალების შეტევის ალბათობა, – ამის შესახებ უკრაინის პრეზიდენტმა, ვოლოდიმირ ზელენსკიმ, ფინეთის პრეზიდენტთან, საული ნიინისტოსთან შეხვედრისას განაცხადა.
ზელენსკის თქმით, შეხვედრაზე განიხილეს, თუ რა სჭირდება უკრაინას ბრძოლის ველზე. ასევე, შეხვედრაზე აღინიშნა, რომ ფინეთი უკრაინისთვის თანამედროვე დასავლური ტანკების მიწოდებას მხარს უჭერს.
„მე ვხედავ, რომ ბელარუსის მოსახლეობის უმრავლესობას, დარწმუნებული ვარ, რომ დამოუკიდებელი ბელარუსის სამხედროების უმრავლესობას, არ სურს თავდასხმა და ძალის გამოყენებით იარაღით წასვლა უკრაინული საზოგადოების წინააღმდეგ. ბელარუსზე თავდასხმას არ ვაპირებთ და არც არასდროს ვგეგმავდით. არანაირი ასეთი ზრახვები. რაც შეეხება რუსეთის ჯარებს, რომლებიც დღეს შეიძლება, იყოს ნებისმიერი სახელმწიფოს ტერიტორიაზე, რადგან თვლიან, რომ მათ აქვთ ერთგვარი „სამხედრო შენგენი“. მეჩვენება, რომ ეს დამოკიდებულია რომელიმე სახელმწიფოს მოსახლეობის პატივისცემაზე, ისევე როგორც ამა თუ იმ სახელმწიფოს ხელმძღვანელობის პატივისცემაზე, რომელსაც შეუძლია, არ დაუშვას სამხედრო, შეიარაღებული პირები თავის დამოუკიდებელ ტერიტორიაზე“, – თქვა ვოლოდიმირ ზელენსკიმ.
სიახლეები
- "ოფიციალურ პირებს ჯერ კიდევ აქვთ შანსი გადახედონ საკანონმდებლო ინიციატივას" - ოლივერ ვარჰეი
- "უცხოელი მინისტრები არიან გამოსასვლელები და ხალხი არ გვყავსო, დიდი პანიკაა „ნაცებში“, გმირთა მოედნიდან მოხსნეს ხალხი, მიჰყავთ რუსთაველზე"
- უცხოური ვალუტის ოფიციალური კურსი 16 მაისისთვის
- “საქართველოს კურსი ევროკავშირისაკენ ბეწვზე ჰკიდია!”- უცხოური პრესა
- "ვერსად ვნახე რა ჰქვია ფსიქიკურად აშლილი პირების მმართველობას" - კახა გოგოლაშვილი