ისრაელის ხელისუფლება მოქალაქეებისთვის იარაღის ტარების რეგულაციებს ამარტივებს
ისრაელის ხელისუფლება მოქალაქეებისთვის იარაღის ტარების რეგულაციებს ამარტივებს მას შემდეგ, რაც ბოლო დღეების განმავლობაში ქვეყანაში შეიარაღებული თავდასხმები გახშირდა. მინისტრთა კაბინეტში მიაჩნიათ, რომ რიგითი მოქალაქეები იარაღის ტარების შემთხვევაში თავდაცვას დამოუკიდებლადაც შეძლებენ.
ახალი ზომები ასევე ითვალისწინებს თავდამსხმელის ოჯახის წევრებისთვის ბინადრობისა და სოციალური დაცვის უფლების ჩამორთმევას. დეტალებზე მინისტრთა კაბინეტი დღეს იმსჯელებს.
თავდასხმების შემდეგ პრემიერ-მინისტრმა ბენიამინ ნეთანიაჰუმ მკაცრი და სწრაფი რეაგირების პირობა დადო. ასევე, გაიზრდება ისრაელის არმიის შემადგენლობა მდინარე იორდანეს დასავლეთ სანაპიროზე.
იერუსალიმში 27 და 28 იანვარს ორი თავდასხმა მოხდა. პირველ შემთხვევაში შეიარაღებულმა პირმა აღმოსავლეთ იერუსალიმში, სინაგოგასთან ცეცხლი გაუხსნა გამვლელებს, რასაც შვიდი ადამიანი ემსხვერპლა. თავდამსხმელი ლიკვიდირებულია. გუშინ კი 13 წლის მოზარდმა ორი ადამიანი დაჭრა. ის საპასუხო ცეცხლით გაანეიტრალეს და ამჟამად საავადმყოფოშია გადაყვანილი.
სიახლეები
- "ოფიციალურ პირებს ჯერ კიდევ აქვთ შანსი გადახედონ საკანონმდებლო ინიციატივას" - ოლივერ ვარჰეი
- "უცხოელი მინისტრები არიან გამოსასვლელები და ხალხი არ გვყავსო, დიდი პანიკაა „ნაცებში“, გმირთა მოედნიდან მოხსნეს ხალხი, მიჰყავთ რუსთაველზე"
- უცხოური ვალუტის ოფიციალური კურსი 16 მაისისთვის
- “საქართველოს კურსი ევროკავშირისაკენ ბეწვზე ჰკიდია!”- უცხოური პრესა
- "ვერსად ვნახე რა ჰქვია ფსიქიკურად აშლილი პირების მმართველობას" - კახა გოგოლაშვილი