რუსეთის პატრიარქი კირილე შვეიცარიაში "კგბ"-სთვის მუშაობდა
რუსეთის მართლმადიდებელი ეკლესიის პატრიარქი კირილე, რომელიც პრეზიდენტ ვლადიმირ პუტინის აქტიური მხარდამჭერია, კგბ-ს ჯაშუშად მუშაობდა, როცა ის შვეიცარიაში ცხოვრობდა 1970-იან წლებში.
ამის შესახებ შვეიცარიის მედია იტყობინება დეკლასიფიცირებულ არქივებზე დაყრდნობით.
Sonntagszeitung-ისა და Le Matin Dimanche-ის თანახმად, შვეიცარიის პოლიციის არქივები „ადასტურებს, რომ ‘მონსენიორ კირილე’, როგორც ის მოიხსენიება ამ დოკუმენტებში, კგბ-სთვის მუშაობდა.“
ამ ორი გაზეთის თანახმად, მათ წვდომა მოიპოვეს შვეიცარიის ეროვნულ არქივში დაცულ დოკუმენტზე.
კირილე, რომელიც დღეს უკრაინაში ვლადიმირ პუტინის ომის მხურვალე მხარდამჭერია, გასული საუკუნის 70-იან წლებში ჟენევაში ცხოვრობდა, რუსეთის მართლმადიდებელი ეკლესიის წარმომადგენელი იყო ეკლესიათა მსოფლიო საბჭოში.
AFP-ის თანახმად, კირილეს კოდური სახელი იყო „მიხაილოვი“, მისი ამოცანა კი - გავლენის მოხდენა საბჭოზე, რომელიც უკვე იყო კგბ-ს მიერ ინფილტრირებული.
როგორც სააგენტო იტყობინება, რუსეთის მართლმადიდებელმა ეკლესიამ უარი თქვა შვეიცარიის პრესაში გავრცელებული ცნობის შესახებ კომენტარზე. თავად ეკლესიათა მსოფლიო საბჭომ განაცხადა, რომ მსგავსი ინფორმაცია არ მოეპოვება.
AFP-ს ცნობით, არქივები აჩვენებს, რომ საბჭოთა კავშირის მიზანი იყო, საბჭოს დაეგმო აშშ და მისი მოკავშირეები და შეესუსტებინა რელიგიის არასაკმარისი თავისუფლების თაობაზე კრიტიკა საბჭოთა კავშირის მიმართ.
სიახლეები
- ''ოპოზიციამ ხალხს მოუსმინოს და ეცადოს, რომ სწორი სამოქმედო გზა ხალხთან ერთად იპოვოს" - იაგო ხვიჩია
- "ვისაც ეჭვი ეპარება, რა ხდება ქვეყანაში, უყურეთ სხდომას, სადაც ოპოზიციონერ დეპუტატებს კითხვის დასმის შესაძლებლობას არ აძლევენ - „ოცნება“ ატყუებს იმ ხალხს, ვისაც დღეს ე.წ სახალხო შეკრებაზე მოერეკება" - სალომე სამადაშვილი
- სამარხვო პიცა
- "ჩემი აზრით, საიამ უნდა თქვას, რომ დიახ, ამერიკული ძალა მაფინანსებდა და ამერიკული და ევროპული ძალის ინტერესი იყო, საქართველოს სტრასბურგში სრულყოფილი სარჩელი წარედგინა - ამაში სასირცხვილო არაფერია! " - მამუკა მდინარაძე
- მდინარაძეს ვკითხე, ორგზის პრემიერ-მინისტრი" ამბობს, რომ პენსიონერი მამა აფინანსებს და რომელ გამჭვირვალობაზე საუბრობთ-მეთქი, - ღარიბაშვილის ხსენების გამო დამატოვებინეს დარბაზი, მაგრამ მაინც ვახსენე" -თაკო ჩარკვიანი