„ომის შესწავლის ინსტიტუტი“ ადასტურებს, რომ ვაგნერის“ მებრძოლებმა ბახმუტის ადმინისტრაციული შენობა დაიკავეს
რუსული კერძო სამხედრო კომპანია „ვაგნერის“ მებრძოლები ბახმუტის ცენტრში წინ მიიწევენ და ადმინისტრაციული შენობა დაიკავეს. ამის შესახებ „ომის შესწავლის ინსტიტუტის“ ყოველდღიურ ანგარიშშია აღნიშნული. ამგვარად, ინსტიტუტის ანალიტიკოსები ადასტურებენ „ვაგნერის“ ხელმძღვანელის, ევგენი პრიგოჟინის განცხადებას ბახმუტის ადმინისტრაციულ შენობაზე რუსეთის დროშის აღმართვის შესახებ.
ამასთან, პრიგოჟინი აღიარებს, რომ ქალაქის დასავლეთ ნაწილში უკრაინის ძალები რჩებიან.
„ომის შესწავლის ინსტიტუტში“ ვარაუდობენ, რომ „ვაგნერის“ მებრძოლები გააგრძელებენ ბახმუტის ცენტრალურ ნაწილზე კონტროლის გამყარებისა და ქალაქის დასავლეთით სვლის მცდელობებს.
აღსანიშნავია, რომ უკრაინის შეიარაღებული ძალების აღმოსავლეთის დაჯგუფების წარმომადგენელი სერგეი ჩერევატი ამბობს, რომ რუსეთის ძალები ბახმუტის დაკავებისგან შორს არიან. მისი ცნობით, ბახმუტის ადმინისტრაციული შენობის გარშემო ბრძოლებია.
უკრაინის გენშტაბის ბოლო ანგარიშში ნათქვამია, რომ ქალაქ ბახმუტისთვის აქტიური ბრძოლები მიმდინარეობს.
რუსული კერძო სამხედრო კომპანია „ვაგნერის“ ხელმძღვანელმა, ევგენი პრიგოჟინმა გუშინ განაცხადა, რომ ქალაქ ბახმუტის ადმინისტრაციულ შენობაზე რუსული დროშა აღიმართა და ბახმუტის ცენტრს რუსი სამხედროები აკონტროლებენ. ბახმუტის ცენტრში „ვაგნერის“ სამხედრო ჯგუფის შესვლას ოფიციალური კიევი არ ადასტურებს.
სიახლეები
- "ოფიციალურ პირებს ჯერ კიდევ აქვთ შანსი გადახედონ საკანონმდებლო ინიციატივას" - ოლივერ ვარჰეი
- "უცხოელი მინისტრები არიან გამოსასვლელები და ხალხი არ გვყავსო, დიდი პანიკაა „ნაცებში“, გმირთა მოედნიდან მოხსნეს ხალხი, მიჰყავთ რუსთაველზე"
- უცხოური ვალუტის ოფიციალური კურსი 16 მაისისთვის
- “საქართველოს კურსი ევროკავშირისაკენ ბეწვზე ჰკიდია!”- უცხოური პრესა
- "ვერსად ვნახე რა ჰქვია ფსიქიკურად აშლილი პირების მმართველობას" - კახა გოგოლაშვილი