18 ადამიანი დაშავდა ნიკოლაევზე რუსეთის თავდასხმის შედეგად
უკრაინის ქალაქ ნიკოლაევზე რუსეთის წუხანდელი თავდასხმის შედეგად დაშავდა 18 ადამიანი, მათ შორის 5 ბავშვი.
დაზუსტებული მონაცემები დღეს დილით გამოაქვეყნეს ნიკოლაევის მერმა ოლექსანდრ სენკევიჩმა და საოლქო-სამხედრო ადმინისტრაციის ხელმძღვანელმა ვიტალი კიმმა. 18 დაშავებულიდან 9 საავადმყოფოში გადაიყვანეს. მაშველებმა სახლის ნანგრევებიდან ცოცხლად ამოიყვანეს 2 ადამიანი.
წინასწარი მონაცემებით, ნიკოლაევზე თავდასხმის შედეგად იყვნენ დაღუპულებიც, თუმცა ეს ინფორმაცია ოფიციალურად არ დადასტურებულა. ადგილობრივი ხელისუფლების ცნობით, ქალაქის ცენტრში დაზიანებული და ნაწილობრივ დანგრეულია 5 სახლი.
წუხელ რუსეთმა შეტევა განახორციელა ქალაქ ოდესაზეც. საოლქო-სამხედრო ადმინისტრაციის ინფორმაციით, თავდასხმას ნგრევა და ხანძარი მოჰყვა ოდესის ცენტრში. წინასწარი მონაცემებით, დაშავდა 2 ადამიანი.
რუსეთმა უკრაინის სამხრეთზე, ძირითადად, ოდესასა და ნიკოლაევზე მასირებული შეტევა დაიწყო მას შემდეგ, რაც 18 ივლისიდან დატოვა „მარცვლეულის შეთანხმება". გაეროს და თურქეთის შუამავლობით, 2022 წლის ივლისში მიღწეული შეთანხმების საფუძველზე, შავი ზღვით ხორციელდებოდა უკრაინული ხორბლის და სოფლის მეურნეობის სხვა პროდუქტების ექსპორტი.
უკრაინის თავდაცვის ძალების ინფორმაციით, 18 და 19 ივლისს, რუსეთის საოკუპაციო ძალებმა სარაკეტო იერიში მიიტანეს ოდესის პორტზე, მათ შორის ხორბლის ტერმინალზე. რუსეთის თავდაცვის სამინისტრო ამტკიცებს, რომ ოდესაში სამხედრო ობიექტებს უტევენ.
19 ივლისს უკრაინის პრეზიდენტმა ვოლოდიმირ ზელენსკიმ განაცხადა, რომ „რუსი ტერორისტები" შეგნებულად უტევენ „მარცვლეულის შეთანხმების" ინფრასტრუქტურას და თითოეული რაკეტა არის დარტყმა არა მხოლოდ უკრაინაზე, არამედ ყველაზე მსოფლიოში, ვისაც ნორმალური და უსაფრთხო ცხოვრება სურს.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი