პუტინმა პოლონეთს განუცხადა, რომ ნებისმიერი აგრესია ბელარუსის წინააღმდეგ - რუსეთზე თავდასხმაა
21 ივლისს, რუსეთის პრეზიდენტმა, ვლადიმირ პუტინმა ნატოს წევრი ქვეყანა - პოლონეთი, დაადანაშაულა იმაში, რომ მას ტერიტორიული პრეტენზიები აქვს ყოფილ საბჭოთა კავშირში და განაცხადა, რომ ნებისმიერი აგრესია რუსეთის მეზობელი და ახლო მოკავშირე ბელარუსის წინააღმდეგ ჩაითვლება რუსეთზე თავდასხმად.
მოსკოვი უპასუხებს ნებისმიერ აგრესიას ბელარუსის წინააღმდეგ, რომელიც თავისუფალ "მოკავშირე სახელმწიფოს" ქმნის რუსეთთან, "ჩვენს ხელთ არსებული ყველა საშუალებით", თქვა პუტინმა უშიშროების საბჭოს სხდომაზე სატელევიზიო გამოსვლებში.
„რაც შეეხება პოლონეთის ლიდერებს, ისინი ალბათ ელიან ნატოს ქოლგის ქვეშ რაიმე სახის კოალიციის შექმნას და უშუალოდ ჩარევას უკრაინის კონფლიქტში, რათა შემდეგ საკუთარი თავისთვის უფრო დიდი ნაჭერი „მოგლიჯონ“ და დაიბრუნონ, როგორც თვლიან, თავიანთი ისტორიული ტერიტორიები – დღევანდელი დასავლეთ უკრაინა“, – განაცხადა პუტინმა.
რუსეთის პრეზიდენტს თავისი ნათქვამის დასტური არ მოუყვანია. "დღევანდელი პოლონეთის დასავლეთი ტერიტორიები სტალინის საჩუქარია პოლონელებისთვის, დაავიწყდათ ეს ჩვენს მეგობრებს ვარშავაში? ჩვენ შეგახსენებთ", - დასძინა პუტინმა.
ვარშავაში რუსეთის პრეზიდენტის განცხადებებზე კომენტარი ჯერ არ გაუკეთებიათ.
ვარშავის უშიშროების კომიტეტმა 19 ივლისს მიიღო გადაწყვეტილება სამხედრო შენაერთების აღმოსავლეთ პოლონეთში გადაყვანის შესახებ მას შემდეგ, რაც ბელარუსში "ვაგნერის" დაქირავებული ძალები ჩავიდნენ. პოლონეთი ბელარუსს არ დამუქრებია ამ ნაბიჯის გამოცხადებისას.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი