"ბირთვული იარაღის ფლობა ზოგიერთი მნიშვნელოვანი გარე საფრთხის კონტექსტში დღეს ერთადერთი შესაძლო პასუხია რუსეთის უსაფრთხოებისთვის"
ბირთვული იარაღის ფლობა ზოგიერთი მნიშვნელოვანი გარე საფრთხის კონტექსტში დღეს ერთადერთი შესაძლო პასუხია რუსეთის უსაფრთხოებისთვის, – ამის შესახებ რუსეთის საგარეო საქმეთა მინისტრმა, სერგეი ლავროვმა ჟურნალ International Affairs-თან ინტერვიუში განაცხადა.
„ბირთვული იარაღის ფლობა დღეისათვის ერთადერთი შესაძლო პასუხია გარკვეული მნიშვნელოვანი გარე ეროვნული უსაფრთხოების საფრთხეებზე. უკრაინაში და მის გარშემო განვითარებულმა მოვლენებმა დაადასტურა, რომ ჩვენი შეშფოთება საფუძვლიანია“, – აღნიშნა ლავროვმა.
რუსეთის საგარეო საქმეთა მინისტრმა განაცხადა, რომ უკრაინის გარშემო განვითარებული მოვლენები ადასტურებს რუსეთის შეშფოთების მართებულობას ამ სფეროში.
„უსაფრთხოების განუყოფლობის პრინციპი უხეშად დაარღვია ნატო-მ, რომელმაც, შეგახსენებთ, თავი ბირთვულ ალიანსად გამოაცხადა, დადო ფსონი რუსეთის „სტრატეგიულ დამარცხებაზე“, – აღნიშნა მან.
რუსი დიპლომატის თქმით, უკრაინის კონფლიქტთან დაკავშირებით დიდი საფრთხე არის ის, რომ სიტუაციის ესკალაციის გზით აშშ და ნატო-ს ქვეყნები ქმნიან რისკს, აღმოჩნდნენ ბირთვულ ძალებს შორის პირდაპირი შეიარაღებული შეტაკების სიტუაციაში.
„ჩვენ გვჯერა, რომ მოვლენების ასეთი განვითარება თავიდან უნდა იქნას აცილებული. სწორედ ამიტომ უნდა შევახსენოთ მაღალი სამხედრო-პოლიტიკური რისკების არსებობა და გამაფრთხილებელი სიგნალები გავუგზავნოთ ჩვენს ოპონენტებს“, – ხაზგასმით აღნიშნა ლავროვმა.
სიახლეები
- „რუსეთს იმედი აქვს, რომ „თეთრ სახლში თავის კაცს დასვამს“ და ამით ნატოს ძლიერებას დაასუსტებს“ – უცხოური პრესა
- "ცვლილებები ჩვენი მხრიდან, ბუნებრივია, ვერ დაიგეგმება გამომდინარე იქიდან, რომ ხვალ მესამე მოსმენით მიიღება კანონი"- პრემიერი
- უცხოური ვალუტის ოფიციალური კურსი 14 მაისისთვის
- "სრული პასუხისმგებლობით გეუბნებით, ტყუილად არ დაუკავებიათ არავინ, ეს ადამიანები ახორციელებდნენ ძალადობას"
- "გდდ-ს ყველა თანამშრომელი ეჭვმიტანილია არაადამიანურ მოპყრობაში, წამებასა და სისხლის სამართლის დანაშაულის ჩადენაში"