"ტყვეთა გაცვლა, რომელიც 24 იანვარს უნდა გამართულიყო და ომის დაწყების შემდეგ ერთ-ერთი ყველაზე მასშტაბური გაცვლა უნდა ყოფილიყო, ჩაიშალა" - ანდრეი იუსოვი
უკრაინის თავდაცვის სამინისტროს მთავარი სადაზვერვო სამმართველოს წარმომადგენლის, ანდრეი იუსოვის განცხადებით, ტყვეთა გაცვლა, რომელიც 24 იანვარს უნდა გამართულიყო და ომის დაწყების შემდეგ ერთ-ერთი ყველაზე მასშტაბური გაცვლა უნდა ყოფილიყო, ჩაიშალა.
„ზუსტ ციფრს არ დავასახელებ და სანამ გაცვლა არ მოხდება, მსგავსი რამ არ ხდება, მაგრამ ეს უნდა ყოფილიყო ერთ-ერთი ყველაზე დიდი გაცვლა სრულმასშტაბიანი ომის ისტორიაში. ფაქტობრივად, ეს უნდა ყოფილიყო, შეიძლება ითქვას, საიუბილეო - 50-ე გაცვლა, მაგრამ, სამწუხაროდ, არ შედგა“, - განაცხადა იუსოვმა.
რუსული მხარის მიერ „ილ-76“-ის ბორტზე მყოფი უკრაინელი სამხედრო ტყვეების სავარაუდო „სიებთან“ დაკავშირებით, იუსოვმა აღნიშნა, რომ ხდება ინფორმაციის შესწავლა ყველა წყაროდან და ასევე არის კომუნიკაცია ტყვეების ოჯახებთან.
„სიები, რომლებიც რუსული პროპაგანდისტული წყაროების საშუალებით ჩნდება, ჩნდება რეაქციის შესამოწმებლად, რეაქციის გამოწვევის მიზნით. ჩვენ მათზე კომენტარს არ გავაკეთებთ“, - აღნიშნა უკრაინის თავდაცვის სამინისტროს მთავარი სადაზვერვო სამმართველოს წარმომადგენელმა.
მისი თქმით, რაც შეეხება ამ თვითმფრინავის ჩამოვარდნის კონკრეტულ მიზეზებს, ღია საერთაშორისო კომისიის შექმნის მოთხოვნა ლოგიკური და გამართლებულია.
„ახლა, როგორც ვიცით, რუსეთი უარს ამბობს ასეთი კომისიის შექმნის შესაძლებლობაზე“, - აღნიშნა ანდრეი იუსოვმა.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი