May 16, 2024

BBC: კლიმატის ცვლილება ყველაზე მეტად აფრიკის კონტინენტს დააზარალებს

კლიმატის ცვლილება ყველაზე მეტად აფრიკის კონტინენტს დააზარალებს - ამ ინფორმაციას კლიმატის ექსპერტ რიჩარდ ვაშინგტონის კვლევაზე დაყრდნობით BBC ავრცელებს.

 

ვაშინგტონის თქმით, უმთავრესი პრობლემა, რომელიც კლიმატის ცვლილების გამო აფრიკის კონტინეტს შეექმნება, იქნება ნალექების შემცირება, რადგან აფრიკაში მილიონობით ადამიანი სასმელად წვიმის შედეგად მიღებულ წყალს იყენებს. ნალექების შემცირება კი წყლის სერიოზულ დეფიციტს შექმნის.

 

 

ამასთანავე, ვაშინგტონი აცხადებს, რომ აფრიკელ ხალხს კლიმატის ცვლილებებთან ბრძოლა ძალიან გაუჭირდება, რადგან რეგიონში არსებული დაბალი ეკონომიკური განვითარება და სიღარიბე მათ ადაპტაციის საშუალებას ნაკლებად აძლევს.

 

 

მეცნიერის მტკიცებით, საუკუნის ბოლომდე აფრიკის კონტინენტზე სეზონური ქარები - მუსონები და ტროპკული ქარიშხლები უფრო ძლიერი და დამანგრეველი გახდება. მას მაგალითად მოჰყავს ციკლონი „იდაი“, რომელმაც მიმდინარე წლის აპრილში მოზამბიკი, ზომბაბვე და მალავი მნიშვნელოვნად დააზარალა.

 

 

რიჩარდ ვაშინგტონი აცხადებს, რომ მსოფლიო ტემპერატურის მატება აფრიკის კონტინენტზე განსაკუთარებით მძიმედ იმოქმედებს. თუ 2100 წლამდე მსოფლიო მასშტაბით ჰაერის ტემპერატურა საშუალოდ 2 გრადუსით გაიზრდება, აფრიკის კონტინეტნზე საშუალოდ 4-5-გრადუსიანი ზრდაა ნავარაუდევი.

 

 

მეცნიერი ასევე ვარაუდობს, რომ კლიმატის ცვლილება მსოფლიოს ყველზე დიდი უდაბნოს-საჰარას კიდევ უფრო გაზრდას გამოწვევს და მის განაპირას არსებული ნაყოფიერი ტერიტორიები უდაბნოს ნაწილი გახდება, რის გამოც მილიონობით ადამიანი იძულებული გახდება გადასახლდეს.

 

https://www.bpn.ge/

წაკითხვა 525 ჯერ განახლდა განახლდა დეკემბერი 16 2019
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.