ანჯელინა ჯოლი გაეროს კეთილი ნების ელჩის პოსტს ტოვებს
ამერიკელი მსახიობი ანჯელინა ჯოლი ლტოლვილთა საკითხებში გაერთიანებული ერების ორგანიზაციის კეთილი ნების ელჩის პოსტს ტოვებს. ამის შესახებ ინფორმაცია გაეროს ოფიციალურ ვებგვერდზეა განთავსებული.
„მე გავაგრძელებ ყველაფერს, რაც შემიძლია, ლტოლვილთა და სხვა დევნილთა მხარდასაჭერად. გაეროს სისტემაში 20 წლიანი მუშაობის შემდეგ, ვგრძნობ, რომ დროა, სხვაგვარად ვიმუშაო, უშუალოდ ვითანამშრომლო ლტოლვილებთან და ადგილობრივ ორგანიზაციებთან“, - განაცხადა ყოფილმა ელჩმა.
გაეროს ლტოლვილთა უმაღლესმა კომისარმა ფილიპო გრანდიმ განაცხადა, რომ მას ესმის მსახიობის სურვილი ცვლილებებისკენ და იმედოვნებს, რომ მათი თანამშრომლობა სხვა ფორმატში გაგრძელდება.
ანჯელინა ჯოლი გაეროში 2001 წლიდან მუშაობს, კეთილი ნების ელჩად კი, 2012 წლიდან დაინიშნა.
სიახლეები
- "ვიზიტის დათქმებით განხორციელება არ ჯდება იმ სტრატეგიული პარტნიორობის სულისკვეთებაში, მეგობრულ ურთიერთობაში, რომლითაც ჩვენ აშშ-ს ვუყურებთ"
- "გამჭვირვალობის კანონი ქართულია და საქართველოსთვისაა, ამერიკაში რატომ უნდა იყოს განხილვა"
- "დერეკ შოლესთან არ გამომიხატავს შეშფოთება ნიუ იორკში სტუდენტების პროტესტის ბრუტალური დარბევის გამო"
- "საქართველო ჩამოდგა რუსთაველზე საქართველოს გადასარჩენად" - თაკო ჩარკვიანი
- "ივანიშვილის უძლეველობის მითი დანგრეულია" - გიორგი გახარია
