"არჩევნები შედგა" - ცესკო-მ არჩევნების მეორე ტური შეაჯამა
ცესკო-მ არჩევნების მეორე ტური შეაჯამა.
საარჩევნო კომისიის წარმომადგენლის, გიორგი კალანდარიშვილის განცხადებით, არჩევნებში მონაწილეობა 1 025 406-მა ამომრჩეველმა მიიღო.
კალანდარიშვილმა საარჩევნო პროცესი შეაფასა, როგორც კონკურენტულ გარემოში ჩატარებული.
"მუნიციპალიტეტის ორგანოთა არჩევნების მეორე ტური დასრულებულია. მინდა მადლობა გადავუხადო ამომრჩეველს, რომელმაც იაქტიურა და გამოიჩინა მაღალი სამოქალაქო პასუხისმგებლობა. 1 025 406-მა ამომრჩეველმა მიიღო მონაწილეობა ხმის მიცემის პროცესში.
არჩევნების პროცესი იყო საკმაოდ კონკურენტული. მიუხედავად ამისა იყო ხარვეზებიც, თუმცა საერთო ჯამში, არა მარტო ჩვენი შეფასებით, საუბნო საარჩევნო კომისიებში მისულ ამომრჩეველს დახვდა კოვიდუსაფრთხო და პროფესიულ დონეზე ორგანიზებული საარჩევნო გარემო.
მხოლოდ ცალკეულ უბნებზე, მცირე ხნით შეფერხდა საარჩევნო პროცესი, კონკრეტული ინციდენტების გამო, არჩევნები შედგა", - განაცხადა გიორგი კალანდარიშვილმა.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი