ევროკავშირი საქართველოს მოუწოდებს ყველა საჩივარი გამჭვირვალედ და სამართლიანად განიხილოს
არჩევნები იყო კონკურენტული და ამომრჩევლებმა ფუნდამენტურ თავისუფლებას პატივი სცეს - ამის შესახებ ევროკავშირის განცხადებაშია ნათქვამი, რომელიც საერთაშორისო დამკვირვებლების, ეუთოს დემოკრატიული ინსტიტუტებისა და ადამიანის უფლებათა ოფისის, ასევე ეუთოს საპარლამენტო ასამბლეის, ევროპის საბჭოსა და NATO-ს წინასწარი დასკვნებისა და შეფასებებს ეყრდნობა. ევროკავშირის განცხადება, რამდენიმე წუთის წინ გავრცელდა.
განცხადებაში ასევე ნათქვამია, რომ არჩევნებზე იყო ხარვეზები, ამომრჩევლებზე ზეწოლის ფაქტები, რაც პროცესის მიმართ საზოგადოების ნდობას ამცირებს. ევროკავშირი საქართველოს მოუწოდებს ყველა საჩივარი გამჭვირვალედ, სამართლიანად და მკაცრად განიხილოს.
"მნიშვნელოვანია, რომ ყველა მხარე განაგრძობს დემოკრატიული პრინციპებისა და სტანდარტების დაცვას, ასევე ადამიანის უფლებების პატივისცემას. თავისუფალი და პლურალისტული მედია გარემოს შექმნის პირობების დაცვა ძალზე მნიშვნელოვანია,იმისთვის რომ ამომრჩეველს სრულად ინფორმირებული არჩევანის გაკეთების საშუალება ჰქონდეს," - წერია ევროკავშირის მიერ გავრცელებულ განცხადებაში.
სიახლეები
- "სიძულვილის ენაზე აგებული აგრესიული კამპანია უწყვეტ ნაკადად მოედინება" -კახა კალაძე
- "ჩვენი ხედვა და ძალისხმევა, შევქმნათ მშვიდობიანი, უსაფრთხო და უზრუნველყოფილი მომავალი ჩვენი შვილებისთვის, ურყევია"
- "თქვენ საქართველოს მოსახლეობას უნდა დაანახოთ სტაბილურობა, რომ საქართველო მარტო არაა"- პრეზიდენტი ევროკავშირის ელჩებს
- "როდესაც ხელისუფლება ხარ არ შეიძლება ახალგაზრდებს სატანისტები და სხვა ეპითეტები უწოდო!" - პრეზიდენტი
- იერუსალიმში, მაცხოვრის საფლავზე წმინდა ცეცხლი გადმოვიდა