,,ხელისუფლების ტყუილები მელიას საქმეზე" - რას წერს ოთო კახიძე
,,ევროპული საქართველოს" წევრი ოთო კახიძე სოციალურ ქსელში ნიკა მელიას საქმეს ეხმაურება და ხელისუფლების გადაწყვეტილებებზე სამართლებრივ განმარტებას აკეთებს.
,,ხელისუფლების ტყუილები მელიას საქმეზე:
ტყუილი 1 - თითქოს მელიამ ჯგუფური ძალადობა დააორგანიზა.
სინამდვილეში იქ გაკეთებული განცხადება არ შეიცავდა რაიმე მოწოდებას ძალადობაზე, პირიქით, აქცენტი იყო მშვიდობიან, ხელებაწეულ ქმედებაზე. ხოლო როცა პოლიციასთან შეხლა-შემოხლა დაიწყო, მელია მოუწოდებდა სხვებს სიმშვიდისკენ და თუ ისინი არ უსმენდნენ, ეს რისი ორგანიზატორი გამოდის - გაუგებარია.
ტყუილი 2 - თითქოს კანონით ბრალდებულს აუცილებლად უნდა შეეფარდოს რომელიმე აღკვეთის ღონისძიება.
სინამდვილეში გირაო, პატიმრობა და სხვა აღკვეთის ღონისძიებება გამიზნულია ბრალდებულის შესაძლო უკანონო ქმედებების აღსაკვეთად. კერძოდ - მიმალვა, ახალი დანაშაულის ჩადენა, მტკიცებულებების განადგურება. არცერთი საფუძველი დასაბუთებული არ არის. შესაბამისად, სრულიად კანონიერი იქნება მელიას დატოვება რომელიმე აღკვეთის ღონისძიების გარეშე და პირიქით, თავის დროზე შეფარდება იყო უკანონობა.
ტყუილი 3 - თითქოს პარლამენტს აუცილებლად უნდა მოეხსნა იმუნიტეტი, რადგან ამას ითხოვდა კანონი.
სინამდვილეში, პარლამენტი პოლიტიკური ორგანოა და იმუნიტეტის მოხსნაზეც პოლიტიკურად მოტივირებულ გადაწყვეტილებებს იღებს. ანუ შეეძლოთ, არ მოეხსნათ მელიასთვის იმუნიტეტი და ეს იქნებოდა სრულიად კანონიერი გადაწყვეტილება.
იცოდე კანონი - არ დაიჯერო ხელისუფლების ტყუილები"- წერს კახიძე.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი