"ყელში ამოვიდა ამდენი დამცირება, სიღარიბე - დაიწყება ოლიგარქიის დემონტაჟი"
ყელში ამოვიდა ამდენი დამცირება, სიღარიბე. დაიწყება ოლიგარქიის დემონტაჟი, - ამის შესახებ ფოთში ოპოზიციის ნაწილის მერობის კანდიდატმა გიგი უგულავამ ქუთაისში განაცხადა.
როგორც უგულავამ აღნიშნა, ბიძინა ივანიშვილის პირობებში საქართველო სსიპების და ა(ა)იპებისა და ბიუჯეტის მხვრელების ეკონომიკად გადაიქცა.
„როდესაც წინასაარჩევნო კამპანიაა, იქ ბევრი მწარე სიტყვა „მოსულა“. რას ვუყურებთ ჩვენ უკანასკნელი 9 წლის მანძილზე? დამცირებას, შეურაცხყოფას იმ ამომრჩევლის, რომელსაც განსხვავებული აზრი აქვს. ყელში ამოვიდა უკვე ამდენი დამცირება, სიღარიბე. ჩვენ ივანიშვილის პირობებში მოხუცებისა და ბავშვების ქვეყანად გადავიქეცით. ესაა ის ქვეყანა, რომელიც ივანიშვილმა შექმნა! ესაა სსიპების და ა(ა)იპების, ბიუჯეტის მხვრელების ეკონომიკა. დადგა დრო ამას პასუხი გასცეთ. ჩვენი პასუხი უნდა იყოს ძალიან მარტივი: მათ შემოგვიტიონ და ჩვენ იმ პრობლემებს შევუტევთ, რომელიც ამ ქვეყანაში თავად შექმნეს. 2 ოქტომბერი ზუსტად ამის გასაღები იქნება. დაიწყება ოლიგარქიის დემონტაჟი. აღარასდროს, არავის, არც ერთ მდაბიოს აღარ უნდა ჰქონდეს მცდელობა, რომ ქვეყანას იყიდის. გამარჯვებას, მხნეობას, კონსოლიდაციას გისურვეთ“, - განაცხადა უგულავამ.
სიახლეები
- "ევროკავშირის კონკრეტული ქვეყნების წარმომადგენლების აქციაზე ყოფნა უარყოფითად აისახება არა მხოლოდ შესაბამისი ქვეყნის, არამედ ევროკავშირის იმიჯზეც"
- ქუთაისის სპორტის სასახლეში გაიხსნა იმერეთის სასკოლო სპორტული ლიგა მინი ფეხბურთში
- უცხოური ვალუტის ოფიციალური კურსი 17 მაისისთვის
- "გვსურს, მშვიდობიანი შეკრებით წარმოვაჩინოთ, რომ ჩვენი ისტორიის, ტრადიციების, ღირებულებების დაცვა უმნიშვნელოვანესია და ვიწრო პოლიტიკურ ინტერესებზე მაღლა დგას"
- "ევროკავშირის საგარეო საქმეთა მინისტრები რუსთაველის ტრიბუნიდან გამოსვლას „ვარდების რევოლუციის“ ხსენებით იწყებენ"