ვლადიმერ ზელენსკი შეშფოთებულია - პრესსპიკერი
უკრაინის პრეზიდენტის ოფისი თვალს ადევნებს საქართველოში უკრაინის მოქალაქის, მიხეილ სააკაშვილის დაკავების შესახებ ინფორმაციას - ამის შესახებ facebook გვერდზე უკრაინის პრეზიდენტის პრესსპიკერი სერგეი ნიკიფოროვი წერს.
„ყურადღებით ვაკვირდებით ინფორმაციებს მიხეილ სააკაშვილის დაკავებასთან დაკავშირებით. პრეზიდენტი ვლადიმერ ზელენსკი შეშფოთებულია ამ ინფორმაციითა და განცხადებათა იმ ტონით, რაც საქართველოში კეთდება ვითარების შესაძლო განვითარებასთან დაკავშირებით“, - წერს ის.
მისივე ინფორმაციით ქმით, უკრაინა მიმართავს ქართულ მხარეს, განმარტოს ყველა გარემოება და მიზეზი, რატომ გადაიდგა ასეთი ნაბიჯი უკრაინის მოქალაქესთან დაკავშირებით.
ნიკიფოროვმა აღნიშნა, რომ საქართველოში უკრაინის საელჩოს ჯერ არ მიუღია ოფიციალური ინფორმაცია დაკავებასთან დაკავშირებით.
„ჩვენი კონსულები უკვე მუშაობენ იმაზე, რომ მიხეილ სააკაშვილს ყველა სახის დახმარება აღმოუჩინონ“, - აღნიშნა ზელენსკის პრესმდივანმა.
ინფორმაციისთვის, საქართველოს ელჩი უკრაინაში, ქვეყნის საგარეო საქმეთა სამინისტროში დაიბარეს, მიხეილ სააკაშვილის საკითხზე ინფორმაციის მიღების მიზნით.
მიხეილ სააკაშვილმა ვიდეომიმართვა გაავრცელა, რომელშიც აცხადებდა, რომ ბათუმში იყო.
ვიდეოს გამოქვეყნებამდე სააკაშვილმა სოციალურ ქსელში დაწერა, რომ ის საქართველოში იმყოფებოდა.
მმართველი პარტიაში აცხადებდნენმ რომ სააკაშვილს უკრაინის ტერიტორია არ დაუტოვებია, ხოლო ბათუმში გადაღებული ვიდეოები ყალბია.
"ქართული ოცნების" ლიდერების მსგავსად შინაგან საქმეთა სამინისტროში აცხადებდნენ, რომ სააკაშვილს საქართველოს საზღვარი არ გადმოუკვეთავს.
დღის ბოლოს საქართველოს პრემიერ-მინისტრმა, ირაკლი ღარიბაშვილმა განაცხადა, რომ საქართველოს ექსპრეზიდენტი მიხეილ სააკაშვილი დაკავებულია.
სიახლეები
- "ევროკავშირის კონკრეტული ქვეყნების წარმომადგენლების აქციაზე ყოფნა უარყოფითად აისახება არა მხოლოდ შესაბამისი ქვეყნის, არამედ ევროკავშირის იმიჯზეც"
- ქუთაისის სპორტის სასახლეში გაიხსნა იმერეთის სასკოლო სპორტული ლიგა მინი ფეხბურთში
- უცხოური ვალუტის ოფიციალური კურსი 17 მაისისთვის
- "გვსურს, მშვიდობიანი შეკრებით წარმოვაჩინოთ, რომ ჩვენი ისტორიის, ტრადიციების, ღირებულებების დაცვა უმნიშვნელოვანესია და ვიწრო პოლიტიკურ ინტერესებზე მაღლა დგას"
- "ევროკავშირის საგარეო საქმეთა მინისტრები რუსთაველის ტრიბუნიდან გამოსვლას „ვარდების რევოლუციის“ ხსენებით იწყებენ"