"სააკაშვილის მმართველობა არ და ვერ დაბრუნდება ვერსად"
ერთი რამ მინდა ვუთხრა ყველას, რომ სააკაშვილის მმართველობა არ და ვერ დაბრუნდება ვერსად, არათუ ქვეყანაში, ვერც ერთ მუნიციპალიტეტში, - ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებს განუცხადა.
ღარიბაშვილი „ნაციონალური მოძრაობის“ მმართველობის პერიოდს „სადისტების“ მმართველობის პერიოდად აფასებს და ამბობს, რომ მოსახლეობასაც კარგად ახსოვს, რა ვითარებაში უწევდათ ცხოვრება.
„კარგად გახსოვთ, რა ვითარებაში უწევდა ჩვენს მოსახლეობას ყოველდღიური ცხოვრება სააკაშვილის მმართველობის დროს. სადისტების მმართველობის პერიოდი ჩვენ კარგად გვახსოვს და ახსოვს ყველა მეგრელს, სამეგრელოს ყველა მკვიდრს. ერთი რამ მინდა ვუთხრა ყველას, რომ სააკაშვილის მმართველობა არ და ვერ დაბრუნდება ვერსად, არათუ ქვეყანაში, არამედ, ვერცერთ მუნიციპალიტეტში. ჩვენი მოსახლეობა და ჩვენი ხალხი ბრძენი ხალხია, ჩვენი ხალხი გააკეთებს სწორ არჩევანს. კიდევ ერთხელ მოსახლეობას მინდა ვუთხრა, რომ ჩვენ ამ არჩევნებს ჩავატარებთ მაქსიმალურად გამჭვირვალედ, მშვიდ, კონკურენტულ ვითარებაში იმისთვის, რომ არცერთი კითხვა არ დარჩეს არცერთ დამკვირვებელს და არცერთი კითხვა არ დაისვას ზოგადად, ეს არის ჩვენი მთავარი მოტივაცია და ჩვენ ამ ყველაფერს ძალიან მაღალ დონეზე ჩავატარებთ“, - განაცხადა ღარიბაშვილმა.
სიახლეები
- "საქართველოს მთავრობის მეთაურთან ნათლად ვთქვი, რომ ეს კანონი შეცდომაა და არ უნდა იქნას მიღებული" - ოლაფ შოლცი
- "ვთავაზობ აქციებში მონაწილე ახალგაზრდებს, გამოყონ 10-მდე წარმომადგენელი, რომელთანაც გავმართავ საჯარო დისკუსიას" - პრემიერი
- "სალომე ზურაბიშვილი არის კონსტიტუციის პირველი დამრღვევი" - კახა კალაძე
- "დღეს, თბილისსა და სხვადასხვა კუთხეში ასობით ათასი მოქალაქის გამოსვლით, ფაქტობრივად, რეფერენდუმი შედგა" - შალვა პაპუაშვილი
- "დიდი მნიშვნელობა არ აქვს გაიწვევენ თუ არა ამ კანონს, რადგან მთელი სურათი შემაშფოთებელია" - პრეზიდენტი