"მსოფლიოში აღიარებულია საქართველოს წვლილი გლობალური მშვიდობის უზრუნველყოფაში" - ირაკლი ღარიბაშვილი
მსოფლიოში აღიარებულია საქართველოს წვლილი გლობალური მშვიდობის უზრუნველყოფის პროცესში; ჩვენს მამაც სამხედროებთან ერთად, ქართული დიპლომატიის დიდმა ძალისხმევამ გაზარდა ჩვენი როლი გლობალურ პოლიტიკაში, - ამის შესახებ საქართველოს პრემიერ-მინისტრმა ირაკლი ღარიბაშვილმა დიპლომატის პროფესიული დღისადმი მიძღვნილ ღონისძიებაზე სიტყვით გამოსვლისას განაცხადა.
მთავრობის მეთაურის შეფასებით, დღეს ნატო-ს ასპირანტი საქართველო ღირსეულად უდგას გვერდში პარტნიორებს და თავის წილ პასუხისგებლობას იღებს არსებული გამოწვევების დაძლევაში.
„ამის ნათელი დადასტურებაა საქართველოს ბოლო, წარმატებული მისია ავღანეთიდან მშვიდობიანი მოქალაქეების ევაკუაციის პროცესში, მოგეხსენებათ, ამის გამო საერთაშორისო თანამეგობრობის მორიგი აღიარება დავიმსახურეთ. ასევე, მინდა აღვნიშნო, რომ დამოუკიდებლობის აღდგენის შემდგომ სწორედ გლობალურ კონტექსტში ქვეყნის განვითარების სწორმა ხედვამ გვაქცია რეგიონში აშშ-ის მთავარ სტრატეგიულ პარტნიორად, რამაც არსებითი როლი ითამაშა საქართველოს დემოკრატიულ სახელმწიფოდ ტრანსფორმირებასა და უსაფრთხო განვითარებაში. ეს პარტნიორობა დღეს მტკიცეა, როგორც არასდროს. ამასთან, მუდმივად ვეძებთ ახალ მიმართულებებს მის კიდევ უფრო განსავითარებლად, იქნება ეს ეკონომიკური კავშირები, სამხედრო თანამშრომლობა, ხალხთა შორის კონტაქტები თუ სხვა", - განაცხადა პრემიერ-მინისტრმა.
სიახლეები
- "ევროკავშირის კონკრეტული ქვეყნების წარმომადგენლების აქციაზე ყოფნა უარყოფითად აისახება არა მხოლოდ შესაბამისი ქვეყნის, არამედ ევროკავშირის იმიჯზეც"
- ქუთაისის სპორტის სასახლეში გაიხსნა იმერეთის სასკოლო სპორტული ლიგა მინი ფეხბურთში
- უცხოური ვალუტის ოფიციალური კურსი 17 მაისისთვის
- "გვსურს, მშვიდობიანი შეკრებით წარმოვაჩინოთ, რომ ჩვენი ისტორიის, ტრადიციების, ღირებულებების დაცვა უმნიშვნელოვანესია და ვიწრო პოლიტიკურ ინტერესებზე მაღლა დგას"
- "ევროკავშირის საგარეო საქმეთა მინისტრები რუსთაველის ტრიბუნიდან გამოსვლას „ვარდების რევოლუციის“ ხსენებით იწყებენ"