"უკრაინის ელჩის გაწვევა, ჩემი აზრით, შეცდომა იყო"- ჯუანშერ ბურჭულაძე
საქართველოს თავდაცვის მინისტრის, ჯუანშერ ბურჭულაძის განცხადებით, უკრაინის პრეზიდენტის, ვოლოდიმერ ზელენსკის მიერ საქართველოდან უკრაინის ელჩის გაწვევა შეცდომა იყო.
მისივე თქმით, არ არსებობს ალტერნატიული ქვეყანა, სადაც უკრაინის მოქალაქეებს ისე ექცეოდნენ, როგორც საქართველოში და ეს უკრაინის პრეზიდენტმა უნდა გაითავისოს.
„ელჩის გაწვევა, ჩემი აზრით, რა თქმა უნდა, შეცდომა იყო. რაც უფრო სწრაფად დავივიწყებთ ჩვენ თუ რამე წყენა გვაქვს, უფრო სწრაფად განვითარდება ჩვენი ქვეყნები და მშვიდობა დადგება”, - განაცხადა მინისტრმა.
ამასთან, ჯუანშერ ბურჭულაძის განცხადებით, ფორმულირება, რომ საქართველო სანქციებს არ უერთდება არ არის სწორი.
„ყველა კრიტიკულ სანქციას საქართველო შეუერთდა, ეს იქნება გაერო, ევროსაბჭო, თუ კიდევ სხვა.
იმ სანქციებს, რაც აგრესორზე არანაირ ეფექტს არ მოახდენს და მხოლოდ ჩვენი მოსახლეობა დაიჩაგრება, ეს, რა თქმა უნდა, არ არის გონივრული, რომ ჩვენ შევუერთდეთ,“ - განაცხადა ჯუანშერ ბურჭულაძემ.
სიახლეები
- "სიძულვილის ენაზე აგებული აგრესიული კამპანია უწყვეტ ნაკადად მოედინება" -კახა კალაძე
- "ჩვენი ხედვა და ძალისხმევა, შევქმნათ მშვიდობიანი, უსაფრთხო და უზრუნველყოფილი მომავალი ჩვენი შვილებისთვის, ურყევია"
- "თქვენ საქართველოს მოსახლეობას უნდა დაანახოთ სტაბილურობა, რომ საქართველო მარტო არაა"- პრეზიდენტი ევროკავშირის ელჩებს
- "როდესაც ხელისუფლება ხარ არ შეიძლება ახალგაზრდებს სატანისტები და სხვა ეპითეტები უწოდო!" - პრეზიდენტი
- იერუსალიმში, მაცხოვრის საფლავზე წმინდა ცეცხლი გადმოვიდა