"საქართველოს ხელისუფლების მიზანია, მოკლას მიხეილ სააკაშვილი"- ვოლოდიმირ ზელენსკი
უკრაინის პრეზიდენტ ვოლოდიმირ ზელენსკის აზრით, საქართველოს ხელისუფლება ნელა კლავს ყოფილ პრეზიდენტ მიხეილ სააკაშვილს, რომელიც ამჟამად უკრაინის მოქალაქეა.
„ინტერფაქს-უკრაინის“ თანახმად, ეს განცხადება ზელენსკიმ კიევში გააკეთა ავსტრიის პრეზიდენტ ალექსანდერ ვან დერ ბელენთან ერთად გამართულ პრესკონფერენციაზე.
პრესკონფერენციაზე ზელენსკიმ თქვა, რომ მას გადასცეს ფოტოები, რომლებზეც ასახულია სააკაშვილის ამჟამინდელი მდგომარეობა.
„ერთ დროს ის საქართველოს პრეზიდენტი იყო, მიხეილ სააკაშვილი. [ფოტოები] დავით არახამიამ გადმომცა. მინდა ნახოთ, როგორ გამოიყურება ის“, - თქვა ზელენსკიმ.
„ვფიქრობ, საქართველოს მთავრობა დღეს იმას აკეთებს, რომ ის მას კლავს. იცით, რომ მათ ის მოწამლეს და ახლა, ბოდიში და, ნელ-ნელა კლავენ“, - აღნიშნა უკრაინის პრეზიდენტმა.
„მინდა, პრესამ დაინახოს, რა ხდება: უკრაინის მოქალაქის საჯარო წამება. მე არ განვიხილავ იმ საკითხს, თუ რატომ დააპატიმრეს საქართველოს ყოფილი პრეზიდენტი, რა შედეგები აქვს ამას საქართველოს პოლიტიკისა და დემოკრატიისთვის. ეს მათი საშინაო საქმეა. მე ვლაპარაკობ უკრაინის მოქალაქე მიხეილ სააკაშვილის დაპატიმრებაზე, რომელსაც ყოველდღე სახალხოდ აწამებენ. და ვფიქრობ, მათი მიზანია, მოკლან ის“, - დასძინა ზელენსკიმ.
საქართველოს ყოფილმა პრეზიდენტმა მიხეილ სააკაშვილმა 1 თებერვალს გამართულ სასამართლო სხდომაზე ვიდეოკავშირის მეშვეობით აჩვენა, რა მდგომარეობაში იმყოფება.
საქართველოში მიმდინარეობს სასამართლო პროცესი სააკაშვილისთვის პატიმრობის შესაძლო გადავადების ან მისი პატიმრობიდან გათავისუფლების შესახებ.
სააკაშვილი თბილისის კლინიკა „ვივამედში“ იმყოფება. ამჟამად დგას სარეანიმაციო განყოფილებაში მისი გადაყვანის საკითხი ჯანმრთელობის მდგომარეობის გაუარესების გამო.
შარშან მაისში ვოლოდიმირ ზელენსკიმ ცვლილებები შეიტანა თავისი წინამორბედის, პეტრო პოროშენკოს ბრძანებულებაში და უკრაინის მოქალაქეობა დაუბრუნა მიხეილ სააკაშვილს.
სიახლეები
- ფრიდონ ინჯია პარლამენტს სახელმწიფო გერბზე გაკეთებული დევიზის „ძალა ერთობაშია“ შეცვლას და მის ნაცვლად, „ენა, მამული, სარწმუნოების“ დაწერას სთავაზობს
- "ახლა რაც ხდება არის ბრძოლა მომავალსა და წარსულს შორის, ფრონტის ხაზი გავლებულია და დარწმუნებული ვარ, ის მომავლის გამარჯვებით დასრულდება" - გია ხუხაშვილი
- „ჩვენი ერთობლივი მომავალი ევროპაშია!“ - ზურაბიშვილი ზელენსკის ტელეფონით ესაუბრა
- პაპუაშვილმა „ქარაფშუტა პოლიტიკოსი“ უწოდა გერმანიის ბუნდესტაგის საგარეო კომიტეტის თავმჯდომარეს
- "ლაზარე გრიგორიადისს სპეცრაზმის თანამშრომლები მივარდნენ, ვიდრე პოლიციის მანქანაში ჩასვამდნენ, მანამდე სცემეს, ძირს დააწვინეს და ურტყეს, აგინებდნენ - დაზიანებები სახეზე და თავზე აქვს, ბორკილებისგან დაწითლებული აქვს ხელები " - ადვოკატი