"ანტიდასავლური განცხადებები ცეცხლთან თამაშია, ხალხი ამას არ გადაყლაპავდა" - ალეკო ელისაშვილი
ანტიდასავლური განცხადებები ცეცხლთან თამაშია, ხალხი ამას არ გადაყლაპავდა, – ამის შესახებ პარტია „მოქალაქეების“ ლიდერმა, ალეკო ელისაშვილმა განაცხადა.
ალეკო ელისაშვილი „ხალხის ძალის“ კანონპროექტის გაწვევას გამოეხმაურა.
„რა რჯიდათ, რატომ გააკეთეს? ცარიელ ადგილზე ამხელა პრობლემა წარმოქმნეს. რა დამართეს ქვეყანას ან დემონსტრანტებს, სპეცრაზმელებს? ყველა გვეუბნებოდა, ნუ აკეთებთ ამასო. ცეცხლთან თამაშია ანტიდასავლური განცხადებები, ევროპარლამენტარების ლანძღვა. თურმე ევროკავშირი თვითმიზანიც აღარ ყოფილა. ვამბობდით, რომ ხალხი ამას არ გადაყლაპავდა. ასე ემართებათ ამპარტავნობის შემდეგ. ხელისუფლებაში რომ არიან, ჰგონიათ, არიქა, ყველაფერი შეუძლიათ. მაგათ მდგომარეობაში ყოფნა როგორია? სამი დღის წინ რიხით მიაჭირეს ხელი და დღეს წინააღმდეგ წავიდნენ. მაგათ ადგილზე მერჩივნებოდა, მიწა გამსკდომოდა“, – განაცხადა ალეკო ელისაშვილმა.
პარლამენტმა კანონპროექტი „უცხოური გავლენის გამჭვირვალობის შესახებ“ მეორე მოსმენით ჩააგდო.
სიახლეები
- "უკრაინისთვის საკვანძო სამხედრო დახმარების მიწოდების შესახებ დასავლეთის გადაწყვეტილებები ძალიან ნელია" - ზელენსკი
- უცხოური ვალუტის ოფიციალური კურსი 21 მაისისთვის
- "პირველ კვარტალში დასაქმებულთა რაოდენობამ 1 402 000 შეადგინა, რაც რეკორდულად მაღალი მაჩვენებელია" - ლევან დავითაშვილი
- ირანის პრეზიდენტის ცხედარს თავრიზიდან მეშჰედში გადაასვენებენ
- როგორი ამინდია მოსალოდნელი საქართველოში