" მიმდინარეობს ფაშიზმის, ზიზღის კამპანია"- შალვა პაპუაშვილი
რასაც ვაკვირდებით, არის ფაშიზმი. მიმდინარეობს ზიზღის კამპანია. ეს ხდება იმ ადამიანებისგან, ვისაც თავი მოაქვთ ადამიანის უფლებების დამცველად და ა.შ. მათ შორის არიან არასამთავრობო ორგანიზაციების წარმომადგენლები, რომლებიც პირდაპირ ჩართული არიან ფაშიზმის კამპანიაში, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.
მისი თქმით, მსგავსი რამ ასი წლის წინ ხდებოდა ზოგ ქვეყანაში და საქართველოშიც მოხდა ბოლშევიკების ხელით, როცა უნივერსიტეტებში პროფესორებს არ უშვებდნენ.
„რასაც ვაკვირდებით, არის ფაშიზმი – მიმდინარეობს ზიზღის კამპანია. ეს ხდება იმ ადამიანებისგან, ვისაც თავი მოაქვთ ადამიანის უფლებების დამცველად და ა.შ. მათ შორის არიან არასამთავრობო ორგანიზაციების წარმომადგენლები, რომლებიც პირდაპირ ჩართული არიან ფაშიზმის კამპანიაში, როცა ხდება ადამიანების გარიყვისკენ მოწოდება, მოკვეთისკენ მოწოდება და მისი კეთროვანად წარმოჩენა. ეს არის ის, რაც ასი წლის წინ ხდებოდა ზოგ ქვეყანაში. საქართველოშიც მოხდა ბოლშევიკების ხელით, როცა უნივერსიტეტებში პროფესორებს არ უშვებდნენ. ასი წლის თავზე ამას იმეორებს ის ხალხი, ვისაც პრეტენზია აქვს, რომ რაღაც საკითხებში არის ჩახედული. ამდენი დღე გავიდა და ამ ფაშისტურ კამპანიას არ წყვეტენ, ცდილობენ, გარიყონ სხვები. ამაზე არასამთავროების მხრიდან რეაგირება ნულოვანია, ვინც ამ კამპანიას დაგმობდა და გამოავლენდა ამ კამპანიის ავტორებს და გაემიჯნებოდნენ. პირიქით, არასამთავრობო ორგანიზაციების წარმომადგენლები ჩართული არიან ზიზღის კამპანიაში, რაც სხვა არაფერია, თუ არა ფაშიზმი და ბოლშევიზმი“, – განაცხადა პაპუაშვილმა
სიახლეები
- "შეგვიძლია ვეტოს პროცედურა გამოვიყენოთ ცვლილებებისთვის" - ირაკლი კობახიძე
- "მეთოდები, რომლებსაც დღეს ქუჩებში მშვიდობიანი დემონსტრანტების წინააღმდეგ იყენებენ, ძალიან რუსული, დაშინების მეთოდია" - პრეზიდენტი
- პარლამენტთან აქციაზე ევროკავშირის რამდენიმე წევრი ქვეყნის პარლამენტის საგარეო საქმეთა კომიტეტების თავმჯდომარეები მივიდნენ
- ქუთაისის მუნიციპალიტეტში ქალების ავტობუსის მძღოლებად მომზადების კურსებზე მიღება იწყება
- "გამჭვირვალობის კანონი ქმნის მტკიცე გარანტიებს გრძელვადიანი მშვიდობის უზრუნველსაყოფად და ე.წ. პოლარიზაციის დასაძლევად, რაც ევროკავშირში ინტეგრაციის აუცილებელი პირობაა"