"კარგად მახსოვს დღე, როცა შხამი შემოიტანეს, კინაღამ მოვკვდი" - მიხეილ სააკაშვილი
საქართველოს ყოფილი პრეზიდენტი მიხეილ სააკაშვილი „პოლიტიკოსთან“ ინტერვიუში აცხადებს, რომ რუსეთის აგენტებმა მოწამლეს. გამოცემის თანახმად, რუსეთის ბოროტი გავლენის შესახებ პოლიტიკოსის პრეტენზია წარმოადგენს ბრალდებების უფრო ფართო სერიის ნაწილს.
„პოლიტიკო“ წერს, რომ, სააკაშვილის მტკიცებით, მმართველი პარტიის, „ქართული ოცნების“ ოლიგარქი დამფუძნებელი ბიძინა ივანიშვილი მოსკოვის დავალებით მოქმედებს ქართული სახელმწიფოს „დაპყრობისთვის“.
„რუსეთის აგენტებმა შეაღწიეს საქართველოს უსაფრთხოების სამსახურებში. კარგად მახსოვს ის დღე, როცა შხამი შემოიტანეს, კინაღამ მოვკვდი. მას შემდეგ ცუდად ვარ. დაწესებულებაში, სადაც მე ვარ, მკურნალობის ძირითად გადაწყვეტილებებს იღებენ უსაფრთხოების სამსახურები და არა – ექიმები. ისინი ნიშნავენ მთელ სამედიცინო პერსონალს“, – აცხადებს მიხეილ სააკაშვილი „პოლიტიკოსთან“ ინტერვიუში.
სიახლეები
- "უკრაინისთვის საკვანძო სამხედრო დახმარების მიწოდების შესახებ დასავლეთის გადაწყვეტილებები ძალიან ნელია" - ზელენსკი
- უცხოური ვალუტის ოფიციალური კურსი 21 მაისისთვის
- "პირველ კვარტალში დასაქმებულთა რაოდენობამ 1 402 000 შეადგინა, რაც რეკორდულად მაღალი მაჩვენებელია" - ლევან დავითაშვილი
- ირანის პრეზიდენტის ცხედარს თავრიზიდან მეშჰედში გადაასვენებენ
- როგორი ამინდია მოსალოდნელი საქართველოში
