"ოპოზიციამ რამდენიმე თვით შეწყვიტოს მავნებლობა და გარანტიას ვიძლევი, კანდიდატის სტატუსს მივიღებთ"
ვფიქრობ, არის შანსი, კანდიდატის სტატუსი მივიღოთ, მიუხედავად იმისა, რომ გლობალური „ომის პარტია“ და მისი აგენტურა საქართველოში ამის წინააღმდეგ იბრძვიან, – ამის შესახებ ფრაქცია „ქართული ოცნების“ თავმჯდომარე მამუკა მდინარაძემ განაცხადა.
მისივე თქმით, ოპოზიცია მავნებლურ მოქმედებებს თუ შეწყვეტს, ქვეყანა კანდიდატის სტატუსს გარანტირებულად მიიღებს.
„სტატუსს თუ ვერ მივიღებთ, სწორედ ამისი შედეგი იქნება, სხვა გამორიცხულია. ქართულმა ოპოზიციამ თავი დაანებოს მავნებლობას და გარანტირებულად მივიღებთ კანდიდატის სტატუსს. ამის გარანტიას ვიძლევი მე, ერთი ადამიანი, არადეპუტატი, მოქალაქე და არა გუნდის სახელით. თუ შეიქმნება რეალური აღქმა, რომ საქართველოში ეს რადიკალური მოძრაობა ვერაფერს შვება, არც რევოლუცია იქნება, არც ქაოსი და ომის გზამდე, გეგმამდე ვერ მივალთ, ანუ ესენი თუ გაჩერდებიან, მავნებლური დუღილის ტემპერატურა ბუნებრივად დაიწევს და კანდიდატის სტატუსი იქნება გარანტირებული, მაგრამ ყველანი ხომ დარწმუნებული ხართ, ამას რომ არ იზამენ. რამდენიმე თვით შეწყვიტონ მავნებლობა, რასაც აკეთებენ რეკომენდაციების, კანდიდატის სტატუსის წინააღმდეგ და გარანტიას გაძლევთ, კანდიდატის სტატუსს მივიღებთ“, – განუცხადა მამუკა მდინარაძემ ჟურნალისტებს.
სიახლეები
- "საქართველო გზაგასაყარზეა - ის ევროპისკენ გზაზე უნდა დარჩეს" - ურსულა ფონ დერ ლაიენი
- "გულანთებულ ახალგაზრდებს მივმართავ, რომ რაღაცები არ არის საჭირო, დაანებეთ თავი პარლამენტის კარს, იქ არაფერი აღარ ხდება"
- "ვინც ამბობს, რომ ეს კანონი რუსულია, არა მარტო იტყუება, არამედ ცრუპენტელობს" - პრემიერი
- "დროა, პოლიტიკური კრიზისიდან მშვიდობიანი გამოსავლის საძიებლად, ურთიერთობებმა გადაინაცვლოს ქუჩიდან მოლაპარაკების მაგიდასთან"- საპატრიარქო
- "დღეს ქვეყანა გადასარჩენია" - თბილისში დაგეგმილ აქციას ქუთაისიდანაც შეუერთდნენ