"სინამდვილეში, საქართველოს ხელისუფლება მიხეილ სააკაშვილის თემას ამ ქვეყნის ინტერესებს სწირავს"- იაგო ხვიჩია
არ ვეთანხმები არც საქართველოს მთავრობის იმ გადაწყვეტილებას, რომ მათ მიხეილ სააკაშვილის გამო ურთიერთობა გაიფუჭეს ჩვენს პარტნიორებთან და არც ზელენსკის გადაწყვეტილებას, – ამის შესახებ ოპოზიციონერმა დეპუტატმა, იაგო ხვიჩიამ განაცხადა.
როგორც იაგო ხვიჩიამ აღნიშნა, საქართველოს ხელისუფლება მიხეილ სააკაშვილის თემას ამ ქვეყნის ინტერესებს სწირავს.
„საქართველოს ხელისუფლება მიხეილ სააკაშვილის თემას უკრაინასთან, ამ სამყაროსთვის ძალიან მნიშვნელოვან ქვეყანასთან ურთიერთობის გაფუჭებას არჩევს. ეს არის მცდარი, ისევე როგორც მცდარი იყო უკრაინის პრეზიდენტის მიერ საკითხის ასე დაყენება, რომ ურთიერთობას გავიფუჭებ თქვენთან, თუ მიხეილ სააკაშვილს არ გაათავისუფლებთ. ასევე, საქართველოსგან, თუ სააკაშვილის პატიმრობას არ შეეგუებით, თქვენთან ურთიერთობას გავაფუჭებ, მთელ სამყაროს ეუბნები. ეს ორივე მცდარია. სინამდვილეში, საქართველოს ხელისუფლება მიხეილ სააკაშვილის თემას ამ ქვეყნის ინტერესებს სწირავს.
მიხეილ სააკაშვილი, რომ დაიჭირეს პირველივე დღეს ვიძახდით, საზღვარგარეთ სამკურნალოდ გადააგზავნეთ, რათა არ შევაფერხოთ ჩვენი ევროინტეგრაციის პროცესი. მე ახლაც ამას გავაკეთებდი, გადავაგზავნიდი მიხეილ სააკაშვილს შეფუთულს საზღვარგარეთ სამკურნალოდ და სანაცვლოდ „ნაციონალურ მოძრაობას“ მოვთხოვდი 12-პუნქტიან გეგმაზე მხარდაჭერას და კონსენსუსს ევროინტეგრაციის პროცესში“, – განაცხადა ხვიჩიამ.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი