"არ ვიცი, უკრაინა რა როლს ითამაშებს საქართველოს სტატუსთან დაკავშირებით, მგონია, რომ, გეოპოლიტიკური ვითარების გათვალისწინებით, სტატუსს მოგვცემენ"
მომეწონა უკრაინის დემარშზე საქართველოს საგარეო უწყების განცხადება, რომელიც იყო მოზომილი და ადეკვატური, – ამის შესახებ „მოქალაქეების“ ლიდერმა, ალეკო ელისაშვილმა განაცხადა.
ელისაშვილის თქმით, არ იცის, უკრაინა რა როლს ითამაშებს საქართველოს სტატუსთან დაკავშირებით, მაგრამ ოპტიმისტურად არის განწყობილი.
„ჩემთვის ვიფიქრე, იქნებ საქართველოს ხელისუფლებამ უკრაინასთან ურთიერთობა ამ რეჟიმში გააგრძელოს-მეთქი. არის პინგპონგი, ხან ერთი აშავებს, ხან – მეორე, ხან ერთი გადაამლაშებს, ხან – მეორე. იქნებ დაპაუზდეს საქართველოს ხელისუფლება-მეთქი, მაგრამ ისევ აგრძელებენ პინგპონგს. არ ვიცი, უკრაინა რა როლს ითამაშებს საქართველოს სტატუსთან დაკავშირებით, მაგრამ ოპტიმისტურად ვარ განწყობილი, რადგან მგონია, რომ, გეოპოლიტიკური ვითარების გათვალისწინებით, სტატუსს მოგვცემენ“, – განაცხადა ალეკო ელისაშვილმა.
საქართველოს საგარეო უწყების განცხადებით, სამწუხაროა, რომ ოფიციალური კიევი მეგობარი სახელმწიფოსა და ხალხის მიმართ დიპლომატიური ურთიერთობების გამწვავების უკიდურეს ფორმას მიმართავს. როგორც უწყების განცხადებაშია ნათქვამი, აღნიშნულ გადაწყვეტილებას განსაკუთრებით გაუგებარს ხდის უკრაინის ხელისუფლების მიერ დასახელებული საფუძველი.
სიახლეები
- "რუსეთი მზად არის, განიხილოს უკრაინაში ვითარების დარეგულირებასთან დაკავშირებით სერიოზული წინადადებები" - მარია ზახაროვა
- "აქცენტი მთლიანად გადავიდა აქციებზე, ყველას დაავიწყდა ძირითადი თემა, რომელიც ეხება „გამჭვირვალობის კანონის“ ავკარგიანობას, ვაქვეყნებთ ტექსტს, ყველას მოვუწოდებთ წაკითხვისკენ"
- სალომე ზურაბიშვილმა „საგადასახადო კოდექსში“ ცვლილებებს ვეტო დაადო
- "მიზეზი იესო ქრისტეს საშინელი სიკვდილისა იყო მამაზეციერის უსაზღვრო სიყვარული კაცთა მოდგმისადმი, რათა დაღუპული კაცობრიობა გადარჩენილიყო რწმენით და მიეღო საუკუნო სიცოცხლე"
- "დღეს რასაც ქუჩაში ვხედავთ, თვითნაბად, თვითორგანიზებულ პროტესტს, ძალიან ჰგავს მაიდანს"