"ქართული ოცნების“ აზრით, ჩვენ ძალიან ცელქი პრეზიდენტი გვყავს და სწორედ ამიტომ ცდილობენ ამ სიცელქის მოთოკვას საკონსტიტუციო სასამართლოში"
„ქართული ოცნების“ აზრით, ჩვენ ძალიან ცელქი პრეზიდენტი გვყავს და სწორედ ამიტომ ცდილობენ ამ სიცელქის მოთოკვას საკონსტიტუციო სასამართლოში, – ამის შესახებ „გირჩის“ ლიდერმა, იაგო ხვიჩიამ განაცხადა.
ხვიჩია გამოეხმაურა პრეზიდენტის ადმინისტრაციის ინფორმაციას, რომლის მიხედვითაც, სალომე ზურაბიშვილი ევროპელ ლიდერებთან შეხვედრას განაგრძობს.
„ზოგადად, იმის გამო, რომ „ოცნებას“ არ მოსწონს, არ ველოდებოდი, რომ გრაფიკს შეიცვლიდა ქალბატონი პრეზიდენტი და, ვთქვათ, იმის გამო, რომ საკონსტიტუციო სასამართლო ჩაინიშნა, არსებულ ვიზიტებს გადადებდა. მე ვხედავ ზოგად პროცესებს, რომ ეს ვიზიტები არ მოსწონს „ქართულ ოცნებას“ და საკონსტიტუციო სასამართლოში უჩივის პრეზიდენტს. დანარჩენი ვნახოთ, როგორ აეწყობა, რამდენად მოახერხებენ „ქოცები“ 100 დეპუტატის პოვნას, თორემ საკონსტიტუციო სასამართლოში დიდი სირთულეები მგონი, „ქოცებს“ არ ელოდებათ.
მგონია, ქალბატონი სალომე გულწრფელია იმაში, რომ ფიქრობს, კარგ საქმეს აკეთებს ქვეყნისთვის საზღვარგარეთ. აქედან გამომდინარე, ასე თუ უყურებ, მაშინ შენ არ უნდა დაგაბრკოლოს ფიქრმა შესაძლო იმპიჩმენტის შესახებ“, – განაცხადა იაგო ხვიჩიამ.
სიახლეები
- "საქართველოს მთავრობის მეთაურთან ნათლად ვთქვი, რომ ეს კანონი შეცდომაა და არ უნდა იქნას მიღებული" - ოლაფ შოლცი
- "ვთავაზობ აქციებში მონაწილე ახალგაზრდებს, გამოყონ 10-მდე წარმომადგენელი, რომელთანაც გავმართავ საჯარო დისკუსიას" - პრემიერი
- "სალომე ზურაბიშვილი არის კონსტიტუციის პირველი დამრღვევი" - კახა კალაძე
- "დღეს, თბილისსა და სხვადასხვა კუთხეში ასობით ათასი მოქალაქის გამოსვლით, ფაქტობრივად, რეფერენდუმი შედგა" - შალვა პაპუაშვილი
- "დიდი მნიშვნელობა არ აქვს გაიწვევენ თუ არა ამ კანონს, რადგან მთელი სურათი შემაშფოთებელია" - პრეზიდენტი